सातारा : दुकानाच्या जागेवरून मारहाण केल्याप्रकरणी तिघांवर काल शाहूपुरी पोलिस ठाण्यात गुन्हा नोंदविण्यात आला आहे. याबाबतची तक्रार शहर पोलिस वसाहतीमध्ये राहणाऱ्या चंद्रकांत नारायण आटपाडकर यांनी नोंदवली आहे.
करंजे येथील यादव मळा परिसरात आटपाडकर यांचे उज्जैन महाकालेश्‍वर नावाचे भंगार दुकान आहे. या दुकानाच्या जागेवरून त्यांचा आणि भंडारी कुटुंबात वाद आहे. ता. एक रोजी आटपाडकर हे दुकानामागील मोकळ्या जागेत पाळलेल्या कुत्र्यांना खायला घालण्यासाठी आले होते. या ठिकाणाहून परतताना तिथे राधेशाम भैरुलाल भंडारी, सतीश भैरुलाल भंडारी, अभिषेक सतीश भंडारी (रा. राधिका रस्ता, सातारा) हे आले. त्यांनी दुकानाची जागा आमची आहे, शेड काढून घ्या, असे सांगत आटपाडकर यांच्याशी वाद घातला. वाद वाढल्यानंतर त्या तिघांनी शिवीगाळ करत मारहाण केल्याने हातास दुखापत झाल्याचे आटपाडकर यांनी काल शाहूपुरी पोलिसांत नोंदविलेल्या फिर्यादीत म्हटले आहे. याचा तपास हवालदार चव्हाण करीत आहेत.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.