साताऱ्यातील नायगावात सावित्रीसृष्टी उभारण्याचा बुलढाण्यातील नागरिकांचा निर्धार

शिरवळ (जि. सातारा) : नायगाव (ता. खंडाळा) येथे क्रांतिज्योती सावित्रीबाई फुले यांना सिंदखेडराजा (जि. बुलढाणा) येथून आलेल्या फुले अनुयायांनी तसेच ग्रामस्थांनी अभिवादन केले. यावेळी नायगाव येथे भव्य सावित्रीसृष्टी उभारण्याचा संकल्प करण्यात आला. 

सावित्रीबाई फुले स्मृतिज्योत दरवर्षी बुलढाणा येथून नायगावपर्यंत आणली जाते. यावर्षी कोरोनाच्या पार्श्वभूमीवर मोजकेच लोक सहभागी झाले होते. यावेळी समितीचे मार्गदर्शक दीपक ठाकरे, संजय ठाकरे, संतोष आंबुरे, समता परिषदेचे जिल्हाध्यक्ष राजेंद्र नेवसे, सरपंच पूनम नेवसे, उपसरपंच विशाल कांबळे, माजी सभापती शुभांगी नेवसे, आदेश जमदाडे, मनोज नेवसे, गणेश नेवसे, सुधीर नेवसे व ग्रामस्थ उपस्थित होते. 

यशवंतरावांमुळे सामान्य माणूस सत्तास्थानी; झेडपीच्या अध्यक्षांची कऱ्हाडात कबुली

पुढील वर्षी 125 व्या स्मृतिदिनी सिंदखेडराजा ते चेतनाभूमी नायगाव अशी 125 स्मृतिज्योतींची मिरवणूक काढून अनोखे अभिवादन करण्याचा संकल्प स्मृतिज्योत समितीच्या वतीने जाहीर करण्यात आला. त्याचबरोबर नायगाव येथे भव्य सावित्रीसृष्टी उभारण्यासाठी प्रयत्न केले जाणार आहेत. या मोहिमेत सहभागी व्हावे, असे आवाहनही करण्यात आले. 

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे