ऐन परीक्षेत एसटीअभावी विद्यार्थ्यांची कुचंबना; आगारप्रमुखांनी तातडीने लक्ष घालण्याची गरज

Satara Latest Marathi News
Satara Latest Marathi News

कातरखटाव (जि. सातारा) : गुरसाळे (ता. खटाव) येथून वडूज येथे महाविद्यालयीन शिक्षणासाठी येणाऱ्या विद्यार्थिनींना वेळेत एसटी बस मिळत नसल्याने ऐन परीक्षेच्या काळात परिसरातील विद्यार्थिनींची कुचंबना होत आहे. आगारप्रमुखांनी तातडीने लक्ष घालून बससंदर्भात उपाययोजना करावी, अशी मागणी लेखी निवेदनाद्वारे करण्यात आली आहे. 

कोरोना आपत्तीच्या काळात गुरसाळ्यातून वडूजला येणाऱ्या अनेक बसफेऱ्या रद्द झाल्या आहेत. निमसोड- शेनवडी- वडूज व म्हासुर्णे- वडूज या दोन फेऱ्या सकाळी असतात. मात्र, निमसोड भागातूनच गाडी पूर्णपणे भरून येत असल्याने ती गुरसाळे गावात थांबत नाही. त्यामुळे गुरसाळेतील विद्यार्थिनींना नाईलाजाने खासगी वाहनाचा आसरा घ्यावा लागण्याबरोबरच दुचाकीस्वारांना लिफ्ट मागून प्रवास करावा लागत आहे. 

या प्रकारामुळे एखादी दुर्घटना झाल्यास त्यास वडूज आगार जबाबदार राहील, असा इशाराही निवेदनात देण्यात आला आहे. निवेदनावर दीक्षा जाधव, ऋतुजा जाधव, निकिता जाधव, ऋतुजा चिंचकर, अरुणा जाधव, धनश्री धुमाळ, श्रृती शेंडगे, कोमल जाधव, प्रतीक्षा सरगर, पूजा ढेसले, अकिता जाधव, महेक पटेल, सादिका शेख आदींच्या सह्या आहेत. 

संपादन : बाळकृष्ण मधाळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com