सातारकरांनाे ! दाेन दिवस पाणी येणार नाही; जाणून घ्या कारण

सातारा : शहापूर पाणी योजनेच्या वाहिनीला बोगदा परिसरात गळती लागली असून, ती काढण्याचे काम पालिकेने हाती घेतले आहे. या कामामुळे मंगळवारी (ता. 1 जून) , बुधवारी (ता.2) शहराच्या काही भागांतील पाणीपुरवठा खंडित होणार असल्याची माहिती पाणीपुरवठा सभापती सीता हादगे यांनी दिली.

साताऱ्यातील काही भागांस शहापूर योजनेतून पाणीपुरवठा करण्यात येतो. या योजनेच्या वाहिनीला बोगदा परिसरात गळती लागल्याने पाण्याची मोठ्या प्रमाणात वाया जात हाेते. ही गळती काढण्याचे काम पालिकेने सोमवारी हाती घेतले. या कामामुळे शहापूर योजनेचा उपसा बंद ठेवण्यात आला असून, त्याचा परिणाम शहरातील पाणीपुरवठ्यावर होणार आहे.

यामुळे मंगळवारी गुरुवार टाकी, गणेश टाकी, यशवंत टाकी, घोरपडे टाकी, राजवाडा टाकी, बुधवार नाका टाकीच्या भागातील सकाळच्या सत्रातील, तसेच बुधवारी काही भागांतील पाणीपुरवठा कमी खंडित होणार आहे.

या काळात नागरिकांनी पाण्याचा काटकसरीने वापर करण्याचे आवाहन नगराध्यक्षा माधवी कदम, उपनगराध्यक्ष मनोज शेंडे, मुख्याधिकारी अभिजित बापट, पाणीपुरवठा सभापती सीता हादगे यांनी केले आहे.

ब्लाॅग वाचा