जिवाच्या आकांताने धडपडणाऱ्या पारव्याला चिमुकल्यांनी दिले जीवदान

उंडाळे (जि. सातारा) : येथील स्वातंत्र्यवीर दादासाहेब उंडाळकर विद्यालयातील हरित सेनेच्या विद्यार्थ्यांनी तारेच्या कुंपणात अडकलेल्या पारव्याला त्यातून सोडवून सुरक्षित ठिकाणी सोडून जीवदान दिले. 

स्वातंत्र्यवीर दादासाहेब उंडाळकर विद्यालयाच्या पाठीमागील बाजूला पोलिस ग्राउंड आहे. पोलिस ग्राउंडमध्ये असणाऱ्या आडातील पाणी व्यवस्थित राहावे. त्यामध्ये झाडाची पाने पडू नयेत. यासाठी जाळी मारण्यात आलेली आहे; पण जाळीच्या दोऱ्यात पारव्याचा पाय अडकला. जाळीत पाय अडकल्याचे लक्षात आल्यावर परवा जीवाच्या आकांताने ओरडत त्यातून सुटण्याचा प्रयत्न करत होता.

एका सिगारेटने केले कोटीचे नुकसान; साताऱ्यात पाच शिवशाही जळून खाक

ही बाब सोहम पाटील, हर्षद चव्हाण यांनी हरित सेनेचे समन्वयक जगन्नाथ माळी, तसेच महेंद्र आंबवडे यांना सांगितली. त्यानंतर जिवाच्या आकांताने धडपडणाऱ्या पारव्याला सुस्थितीमध्ये त्यातून बाहेर काढण्यात आले. त्याला पाणी व धान्य खायला देऊन तो व्यवस्थित असल्याची खात्री झाल्यानंतर त्याला हरित सेनेचे समन्वयक माळी व विद्यार्थ्यांनी सुरक्षित ठिकाणी सोडून दिले. 

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे