कास (जि. सातारा) ः कास पठाराच्या पश्‍चिमेला असलेल्या कुसुंबीमुरा या गावांतर्गत असलेल्या आखाडेवस्तीकडे जाणारा रस्ता दगडाची ताल व काटेरी झाडेझुडपे टाकून बंद केल्याने या दुर्गम वस्तीतील नागरिकांची गैरसोय होत आहे. हा रस्ता खुला करण्यासाठी स्थानिकांनी तहसीलदार शरद पाटील यांना निवेदन दिले आहे.
या निवेदनात म्हटले आहे की, कुसुंबीमुरातील आखाडेवस्तीत 2011 साली आमदार फंडातून मोळेश्वर ते सह्याद्रीनगर या मुख्य रस्त्यापासून दीड किलोमीटरचा रस्ता झाला आहे. हा रस्ता सध्या कच्च्या स्वरूपात असून त्यावरून आखाडेवस्तीतील लोकांची व शालेय विद्यार्थ्यांची रोज ये-जा असते. रस्त्याच्या मध्यभागी दगडी ताल व काटेरी झाडे, फांद्या लावून सहा जूनपासून तो बंद केला आहे. सध्या पावसाळा सुरू झाला असल्याने या मार्गाशिवाय लोकांना व शाळेतील विद्यार्थ्यांना डोंगरावरून मुख्य रस्त्यावर येण्यासाठी दुसरा कोणताही मार्ग उपलब्ध नाही. हा रस्ता जिल्हा परिषदेच्या मालकीचा आहे. हा रस्ता व पायवाट खुली करून मिळावी, अशी मागणी स्थानिकांनी निवेदनात केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.