सातारा : लस (vaccine) आल्याचे आम्हांला बुधवारी रात्री समजले. आज पहाटे साडे चारला उठून पाचला कस्तुरबा गाठले. आमच्या आधी काही लाेक येथे येऊन थांबले हाेते. आम्हांला टाेकन वाटण्यात आली. सात तासानंतर आत्ता दुपारी पाऊण वाजता आम्हांला सांगितलं लस संपली. कर्म माझं. कसं हाेणार आता आमचं अशी भावना आमच्या मनात आली हाे. इथं वशिलेबाजीने काेराेनावरील लस (covid19 vaccine) दिली जाती. काय खरं नाही सामान्य नागरिकांचे असा टाहाे आज (गुरुवार) अनेक ज्येष्ठ नागरिकांनी कस्तुराबा रुग्णालय परिसरात फाेडला. तब्बल सात थांबून लस न मिळाल्याने नागरिकांचा गाेंधळ वाढल्याचे लक्षात घेऊन काेणी तरी पालिकेच्या मुख्याधिका-यांना (chief officer) बाेलाविले. त्यानंतर मुख्याधिका-यांनी लसीच्या प्रश्नावर नागरिकांना आश्वासन देत तात्पूरता ताेडगा काढला. satara-trending-news-covid19-vaccine-senior-citizens-abhijeet-bapat
गेल्या काही दिवसांपासून थंडावलेली लसीकरणाची माेहिम आजपासून (गुरुवार) पुन्हा सुरु झाली. लस आल्याची माहिती बुधवारी माध्यमातून नागरिकांपर्यंत पाेचली. आज पहाटे पासून जिल्हा रुग्णालय, कस्तुरबा रुग्णालय तसेच गाेडाेलीमधील प्राथमिक आराेग्य केंद्र येथे लस घेण्यासाठी नागरिकांच्या रांगा लागल्या.
काेविशिल्ड (covishield) आणि काेव्हॅक्सिन (covaxin) या दाेन्ही लस आल्याचे समजल्यानंतर अनेकांनी शहरातील मध्यवर्ती ठिकाणी असलेल्या कस्तूरबा रुग्णालय येथे पहाटे चार पासून रांगा लावल्या. कार्यालयीन वेळेत नागरिकांना टाेक देण्यात आले.
दुपारी पाऊण वाजता काेव्हॅक्सिन लस संपल्याचे रुग्णालयातून सांगण्यात आले. त्यामुळे सात तास थांबलेल्या नागरिकांपैकी काही ज्येष्ठ नागरिकांचा पारा चढला. हातात टोकन असूनही वशिलेबाजी करुन अन्य नागरिकांना लस देता का असा आराेप त्यांनी तेथील कर्मचा-यांवर केला. काहींनी तर अतिशय नियोजनशून्य कारभार असल्याचे म्हटले.
काही वेऴानंतर गाेंधळ वाढत गेल्याने अखेर मुख्याधिकारी अभिजीत बापट यांना बाेलाविण्यात आले. त्यांच्या पुढे नागरिकांनी तक्रारींचा पाढाच वाचला. बापट यांनी लाेकांना शांततेचे आवाहन करीत पुढील वेळी रांगेत न थांबता तुम्हांला प्राधान्याने लस देण्याची व्यवस्था करु असे सांगितल्यानंतर वादावर पडदा पडला. दरम्यान शहरातील तिन्ही लसीकरण केंद्रावर वशिला असलेल्यांना लस दिली जाते अशी तक्रार वारंवार हाेत असल्याने आराेग्य विभागाने यावर मार्ग काढावा अशी अपेक्षा व्यक्त हाेऊ लागली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
