नागपूर : नागपूर येथील हिवाळी अधिवेशनाचे सूप वाजताच शनिवारी रात्री राज्य मंत्रिमंडळाचे खातेवाटप जाहीर करण्यात आले. शिवेंद्रसिंहराजे भोसले यांच्याकडे सार्वजनिक बांधकाम, जयकुमार गोरे यांच्याकडे ग्रामविकास व पंचायत राज, शंभूराज देसाई यांच्याकडे पर्यटन, खाण आणि स्वातंत्रसैनिक कल्याण, तर मकरंद पाटील यांच्याकडे मदत व पुनर्वसन खात्यांची जबाबदारी देण्यात आली आहे. या वाटपातही भारीभक्कम खात्यांमुळे सातारा जिल्ह्याचा वरचष्मा अधोरेखित झाला आहे.