Sangam Mahuli Set for Grand Revival: Historic Memorials to Get ₹132.95 Crore Facelift
esakal
-उमेश बांबरे
सातारा: जिल्ह्याचा ऐतिहासिक वारसा जतन करण्याचा निर्णय शासनाच्या नियोजन विभागाने घेतला आहे. संगम माहुली येथील महाराणी ताराराणी, महाराणी येसूबाई आणि छत्रपती शाहू महाराज यांच्या समाधिस्थळांचे संवर्धन व जीर्णोद्धार करण्यासाठी १३२.९५ कोटी रुपयांच्या विकास आराखड्याला अंतिम प्रशासकीय मान्यता देण्यात आली आहे. यामध्ये निरीक्षण गॅलरीसह झुलता पूल, संगमेश्वर व रामेश्वर घाटाचे संवर्धन, ऑडिओ व्हिज्युअलायझेशन रूम, शिव व हिंदू मंदिरांचा जीर्णोद्धार अशी विविध पर्यटनाला चालना देणारी कामे करण्यात येणार आहेत.
