जपानमध्ये पहिल्यांदाच होणार ऐतिहासिक शिवजयंती; 21 मार्चला भव्य कार्यक्रमाचं आयोजन | Sakal
sakal

बोलून बातमी शोधा

Shiv Jayanti in Japan

21 मार्चला तिथीनुसार शिवजयंतीचा सार्वजनिक कार्यक्रम होणार आहे.

Shiv Jayanti : जपानमध्ये पहिल्यांदाच होणार ऐतिहासिक शिवजयंती

हुमगाव (सातारा) : सगळ्या भारतभर शिवजयंतीचा (Shiv Jayanti) महाउत्सव साजरा होत असताना जपानमध्येही शिवजन्मोत्सवाचा ऐतिहासिक सोहळा पार पडत आहे. भारत-जपानच्या (Japan) ७० वर्षांच्या संबंधामध्ये पहिल्यांदाच जपानमध्ये शिवजयंती साजरी होत आहे.

भारत कल्चरल सोसायटी (Bharat Cultural Society) या जपानमधील संस्थेने यावर्षीपासून जपानमधील टोकियो (Tokyo) या शहरात शिवजयंती साजरी करण्याचा संकल्प केला आहे. भारतीय मुलांना शिवाजी महाराजांचा इतिहास शिकवणे, त्यावर आधारित प्रश्नमंजूषा आयोजित करणे आणि सार्वजनिक शिवजयंती साजरी करणे असे अनेक कार्यक्रमांचे आयोजन केले आहे. त्यासाठी प्रथमच शिवाजी महाराजांचा अर्धाकृती पुतळा जपानमध्ये पोचला आहे. शिवजयंतीनिमित्त टोकियोतील राधागोविंद मंदिरात शिवजयंती साजरी झाली.

हेही वाचा: शिवलिंगाच्या शुद्धीकरणासाठी हिंदू संघटनांचा दर्ग्यात घुसण्याचा प्रयत्न

या कार्यक्रमाला संस्थेचे संदीप गुंडप, अमोल शेलार, नवनीत सिसोदिया, नागभूषण वैद्य, रोहन अग्रवाल, मुकेश गुप्ता, विकास काळे, विकास रंजन, महेश पिंपरीकर, निखिल मयेकर, राजेश आवाके, प्रदीप शरण, विशाल देशपांडे, कुशेन्द्र चौधरी, ओमसाई गुप्ता आदी सदस्य उपस्थित होते. शिवजयंतीनिमित्त छत्रपतींच्या इतिहासावर आधारित प्रश्नमंजूषा स्पर्धेला प्रतिसाद मिळाला. दरम्यान, 21 मार्चला तिथीनुसार शिवजयंतीचा सार्वजनिक कार्यक्रम होईल. भारत कल्चरल सोसायटीने जपानमधील भारतीय दूतावास, हिंदू स्वयंसेवक संघ, टोकियो मराठी मंडळ, शिवाजी महाराज आंतरराष्ट्रीय परिवार यांच्या सहयोगाने हा कार्यक्रम आयोजित केला आहे.

हेही वाचा: मणिपूरमधील 12 मतदान केंद्रांवर 5 मार्चला पुन्हा मतदान : निवडणूक आयोग

जपानमध्ये स्थायिक असलो तरी त्या शिवगर्जना आणि छत्रपतींच्या पराक्रमाचे पोवाडे आजही अंगावर शहारे आणतात. जपानमधील भारतातील नवीन पिढीला हा इतिहास समजावा, त्यासाठी चालू वर्षीपासून या उत्सवास सुरुवात केली आहे.

-अमोल शेलार, सिनिअर इंजिनियर, जपान (टोकयो)

Web Title: Shiv Jayanti Will Be Celebrated For The First Time In Japan

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Shiv Jayanti
go to top