कऱ्हाड - महाराष्ट्र प्रदेश युवक काँग्रेसच्या संघटनात्मक पातळीवर महत्वाचे फेरबदल करण्यात आले आहेत. येथील युवा नेते शिवराज मोरे यांची युवक काँग्रेसच्या प्रदेशाध्यक्षपदी नियुक्ती करण्यात आली आहे..काँग्रेस पक्षाचे राष्ट्रीय अध्यक्ष मल्लिकार्जुन खर्गे व लोकसभेतील विरोधी पक्षनेते राहुल गांधी यांच्या सूचनेनुसार फेरबदल करण्यात आल्याचे पक्षातर्फे सांगण्यात आले. दिल्ली येथे युवक काँग्रेसचे राष्ट्रीय अध्यक्ष उदय भानू चीब यांच्याहस्ते शिवराज मोरे यांना नियुक्तीपत्र देण्यात आले. यावेळी राष्ट्रीय प्रभारी कृष्णा अलूवेरू उपस्थित होते..येथील श्री. मोरे यांनी विद्यार्थी काँग्रेसच्या प्रदेशाध्यक्ष पदाची दोनदा जबाबदारी सांभाळली होती. त्यानंतर युवक काँग्रेसचे सरचिटणीस व उपाध्यक्ष पदाही त्यांनी कामे केले आहे. निवडणुकीच्या माध्यमातून सुध्दाही त्यांची वेगवेगळ्या ठिकाणी नियुक्ती झाली होती..प्रदेश युवक काँग्रेसच्या तीन वर्षांपूर्वी पार पडलेल्या निवडणुकीत श्री. मोरे यांना दुसऱ्या क्रमांकाची मते मिळाली होती. सामान्य कुटुंबातील श्री. मोरे यांनी युवकांचे संघटन वाढवले आहे. नव्या नियुक्तीमुळे राज्यभरातून युवक काँग्रेसच्या सामान्य कार्यकर्त्यांना ताकद देणार असल्याची भावना श्री. मोरे यांनी व्यक्त केली..श्री. मोरे निवडीबाबात म्हणाले, काँग्रेसने माझ्यावर दाखवलेला विश्वास मोठा आहे, चांगल्या पदावर काम करण्याची संधी दिली आहे. त्या विश्वासाला पात्र राहून पुढील काळात वाटचाल करणार आहे. काँग्रेस पक्षाची युवक संघटना अधिक बळकट करण्यासाठी राज्यभर काम करणार आहे..काँग्रेस पक्ष सर्वात अनुभवी राजकीय पक्ष आहे. पक्षाचा सध्या संघर्षाचा काळ आहे. त्या परिस्थितीत काँग्रेस पक्षाचे कार्य गावागावात पोचविण्याचा प्रयत्न राहील आणि यासाठी पक्ष संघटना आणखी मजबूत करण्यावर भर दिला जाईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
