Supported by Family, Driven by Dreams: Sayali Kamble-Chavan Achieves Assistant Director Post
sakal
-राजेश पाटील
ढेबेवाडी : अनेकदा लग्नानंतर मुलींच्या स्वप्नांना पूर्णविराम मिळतो. मात्र, सासरच्या मंडळींनी माहेरच्याच मायेने प्रोत्साहनाची साथ दिली, तर यशाची क्षितिजे कशी विस्तारतात, याचे उत्तम उदाहरण दिवशी बुद्रुक (ता. पाटण) येथील सायली सुदाम कांबळे-चव्हाण यांनी घालून दिले आहे. महाराष्ट्र लोकसेवा आयोगाच्या परीक्षेतून ‘महाराष्ट्र वित्त लेखा विभाग’ सहायक संचालकपदी (श्रेणी-१ राजपत्रित अधिकारी) झेप घेत सायली यांनी आपल्या ध्येयाला गवसणी घातली आहे.