सातारा : राज्यभरात विविध विभागातील अधिकाऱ्यांच्या बदल्यांचे सत्र सुरू आहे. राज्य शासनाने जिल्ह्यातील पाच तहसीलदार व एका उपजिल्हाधिकारी यांच्या बदल्यांचे आदेश काढले. नियुक्तीच्या ठिकाणी तत्काळ हजर होण्याचे आदेशही शासनाने दिले आहेत.
खटाव तालुक्‍याच्या तहसीलदार डॉ. अर्चना पाटील यांची अतिरिक्त तहसीलदार सांगली, जावळी येथील शरद पाटील यांची अतिरिक्त तहसीलदार इचलकरंजी, कोरेगाव येथील रोहिणी शिंदे यांची महसूल विभागीय आयुक्त कार्यालय पुणे येथे तहसीलदार, सहायक जिल्हा पुरवठा अधिकारी समीर यादव यांची फलटण तहसीलदारपदी, सातारा जिल्हाधिकारी कार्यालयात तहसीलदारपदावरून अजित कुऱ्हाडे यांच्याकडे कऱ्हाड तालुका तहसीलदारपदाचा कार्यभार सोपविण्यात आला आहे.
याचबरोबर अमोल कदम यांची भुदरगड येथून कोरेगाव तहसीलदारपदी, विवेक जाधव यांची पुणे जिल्हाधिकारी कार्यालयात महसूल विभागातील तहसीलदारपदावरून पुनर्वसन विभाग सातारा या ठिकाणी तहसीलदारपदी, रणजित देसाई यांची मिरज तहसीलदार येथून सातारा जिल्हाधिकारी कार्यालयात तहसीलदापदी, दीप्ती रिठे यांची पुणे जिल्हाधिकारी कार्यालयात तहसीलदारपदावरून पुनर्वसन विभाग सातारा येथे तहसीलदारपदी, किरण जमदाडे यांची तहसीलदार जिल्हाधिकारी कार्यालय सोलापूर येथून खटाव (वडूज) या ठिकाणी तहसीलदार म्हणून नियुक्‍त्या करण्यात आलेल्या आहेत. भूसंपादन विभागातील उपजिल्हाधिकारी रामदास जगताप यांची पुणे येथे ई-फेरफार, जमाबंदी आयुक्तालयात राज्य समन्वयक तथा उपजिल्हाधिकारीपदी, तर सातारा उपजिल्हा निवडणूक अधिकारी मोनिका सिंग यांच्या बदलीने रिक्त होणाऱ्या पदाचा कार्यभार नीता सावंत-शिंदे यांच्याकडे सोपविण्यात आला आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.