वडगाव हवेलीत दोन अपघातांत दोन ठार | Sakal
sakal

बोलून बातमी शोधा

accident

वडगाव हवेलीत दोन अपघातांत दोन ठार

रेठरे बुद्रुक - कऱ्हाड- तासगाव रस्त्यावर काही मिनिटांच्या फरकाने झालेल्या दोन वेगवेगळ्या अपघातात दोन जण ठार झाले. वडगाव हवेली येथे काल रात्री नऊ वाजण्याच्या सुमारास अपघात झाला. अन्य एक गंभीर जखमी आहे. दिलीप भीमराव जगताप (वय ५८, रा. वडगाव हवेली) व आकाश लोंढे (वय ३५, रा. गोळेश्वर) अशी मृतांची नावे आहेत. सुनील गोतपागर हे जखमी आहेत. त्यांच्यावर रुग्णालयात उपचार सुरू आहेत.

पोलिसांसह घटनास्थळावरून मिळालेली माहिती अशी, दिलीप जगताप हे त्यांचे सहकारी सुनील गोतपागर दोघे दुचाकीवरून शेणोली स्टेशनहून वडगाव हवेलीला निघाले होते. काम आटोपून घरी जाताना वडगाव हवेलीच्या फाट्याजवळ अपघात झाला. कऱ्हाडच्या दिशेने आलेल्या चारचाकी कारने त्यांच्या दुचाकीस जोराची धडक दिली. धडक इतकी भीषण होती, की अपघातात जगताप यांचा मृत्यू झाला. त्यांचा एक पाय तुटून बाजूला झाला होता. त्यांना व जखमी गोतपागर यांना कऱ्हाड येथे उपचारासाठी नेताना वाटेत जगताप यांचा मृत्यू झाला.

अपघातानंतर कारमधील एअर बॅग उघडले. कारही जागीच हेलापाटून थांबली. अपघातातील चारचाकी वाहन रस्ता ओलांडून बाहेर गेलेल्या ठिकाणावरून बाहेर काढण्यासाठी क्रेन आणली होती. सुमारे तासाभराने कऱ्हाडकडून आकाश लोंढे हे शेणोलीकडे निघाले होते. त्या वेळी त्यांना अंधारात क्रेन दिसली नाही. त्यामुळे तेही भरधाव येत त्या क्रेनवर आदळले. त्यात त्यांच्या डोक्याला जबर मार लागल्याने व दुचाकीसह आदळल्याने लोंढे जागीच ठार झाले. तासाभराच्या अंतराने दोन अपघात झाले.

Web Title: Two Killed In Two Accidents In Vadgaon Haveli

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..