वरकुटेच्या दोन तरुणांचा मृत्यू | Sakal
sakal

बोलून बातमी शोधा

Two youth Varkute Malawadi Dies in Accident

सातारा : वरकुटेच्या दोन तरुणांचा मृत्यू

म्हसवड - अज्ञात वाहनाने मोटारसायकलला समोरासमोर जोरदार धडक दिल्यामुळे झालेल्या अपघातात वरकुटे-मलवडी (ता.माण) येथील दोन तरुणांचा मृत्यू झाल्याची घटना चिकमहूद-दिघंची रस्त्यावर आज दुपारी चारच्या सुमारास घडली.

या अपघातातील मृतांची नावे सुशांत शांताराम जाधव (वय २८) व मंगेश शिवाजी पिसे (वय २८, दोघे रा.वरकुटे मलवडी, ता. माण) अशी आहेत. आज दुपारी चार वाजण्याच्या सुमारास सुशांत जाधव व मंगेश पिसे हे मोटारसायकलवरून चिकमहूद (ता. सांगोला) ते दिघंची (जि.सांगली) रस्त्यावरून चिकमहूदकडे येत असताना हॉटेल विशालजवळ अज्ञात वाहनाने दुचाकीस समोरासमोर जोरदार धडक दिली. या अपघातात सुशांत जाधव हा जागीच ठार झाला. त्याच्यासोबत असणारा मंगेश पिसे हा गंभीर जखमी झाला होता. त्याला पुढील उपचारासाठी सांगोला येथील खासगी दवाखान्यात दाखल केले होते. उपचारादरम्यान त्याचा मृत्यू झाला.

या वेळी सागर जावीर, वैभव वाघमारे यांच्यासह उपस्थित नागरिकांनी तत्काळ १०८ या क्रमांकावर फोन करून रुग्णवाहिकेला बोलावून घेतले. जखमी मंगेश यास रुग्णवाहिकेतून उपचारासाठी सांगोलाकडे पाठविण्यात आले. अज्ञात वाहन मोटारसायकलस्वारांच्या अंगावरून व डोक्‍यावरून गेल्याने रक्ताचा सडा पडलेला होता.

धोकादायक रस्त्यामुळे अनेकांचा बळी

पंढरपूर-मल्हारपेठ मार्गावरील चिकमहूद (ता. सांगोला) शिवारात येथे वळणावळणाचा धोकादायक रस्ता आहे. येथे यापूर्वीही अनेक वेळा अपघात होऊन अनेकांचा बळी गेला आहे. हा ब्लॅक स्पॉट दुरुस्त करण्याबाबत कार्यवाही व्हावी, अशी मागणी येथील नागरिक करत आहेत.

Web Title: Two Youth Varkute Malawadi Dies In Accident

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top