उज्वल भविष्यासाठी पोस्ट विभागा‍च्या योजनांचा लाभ घ्‍या : उदयनराजे

सातारा : डाक विभागामार्फत (Satara Postal Department) प्रामुख्याने बचतीच्या आणि गुंतवणुकीच्या अनेक योजना कार्यान्वित आहेत. त्यातीलच सुकन्या समृध्दी ही योजना (Sukanya Samriddhi Yojana) प्रत्येक कन्यारत्न लाभलेल्या पालकांची बचतीबरोबरच भविष्यकालीन चिंता मिटवणारी योजना आहे. आपल्या कुटुंबातील दहा वर्षांच्या आतील प्रत्येक सुकन्येच्या उज्वल भविष्यासाठी सुकन्या समृध्दी योजनेचा स्वीकार प्रत्येक पालकाने करण्‍याचे आवाहन खासदार उदयनराजे भोसले (Udayanraje Bhosale) यांनी केले.

खासदार भोसले यांनी सातारा पोस्ट विभागाच्या सिनिअर पोस्टमास्टर स्वाती दळवी यांच्याकडून पोस्‍ट खात्याच्या विविध योजनांचा आढावा घेतला. त्‍याबाबतच्‍या पत्रकात म्‍हटले आहे की, टपाल खात्याने कार्यपध्दतीत बदल केला आहे. देशातील विविध भाषांत, क्षेत्रात टपाल खात्याने विश्वासार्ह सेवा दिलेली आहे.

टपाल खात्याची सुकन्या समृध्दी योजना सुरू असून, यात विविध रकमा गुंतवता येतात. या योजनेतून गुंतवणूकदारांना योग्‍य मोबदला, फायदा मिळतो. या योजनेचा जास्तीत जास्त कन्यारत्न पालकांनी घेऊन आपल्या कुटुंबाच्या भविष्याची चिंता मिटवावी, असेदेखील उदयनराजे यांनी पत्रकात नमूद केले आहे.