Viral Video : "तेरे बिना जिया जाये ना"; उदयनराजेंचा बॉलीवूड गाण्यावर सूर अन् सातारकरांचा जल्लोष

सातारा : सातारा येथे उदयनराजे भोसले यांचा वाढदिवस कार्यकर्त्यांनी मोठ्या जल्लोषात साजरा केला. मध्यरात्री १२ वाजता कार्यकर्त्यांनी उदयनराजेंच्या वाढदिवसाचा केक कापला यावेळी उदयनराजे यांनी गायन केलं. हा व्हिडिओ सध्या सोशल मीडियावर व्हायरल झाला आहे.

दरम्यान, उदयनराजे भोसले हे कायमच आपल्या आक्रमक भूमिकेमुळे ओळखले जातात. मात्र साताऱ्यातील एका कार्यक्रमादरम्यान त्यांचा वेगळा अंदाज पाहायला मिळाला. यावेळी त्यांनी हिंदी गाणे गायले आणि सातारकरांनी एकच जल्लोष केला. त्यांच्या वाढदिवसानिमित्त हा कार्यक्रम आयोजित केला गेला होता.

"तेरे बिना जिया जाये ना" या गाण्यावर त्यांनी या कार्यक्रमात सूर लावला. तुम्ही जेवढे माझ्यावर प्रेम करता त्यांना उद्देशून मी हे गाणं म्हणतोय असं ते यावेळी म्हणाले. त्याचबरोबर आख्ख्या महाराष्ट्राला माझ्यामध्ये काय गुण आहेत ते माहिती आहे असंही ते कार्यकर्त्यांना उद्देशून म्हणाले.