सातारा : पाणी योजनांना १४ कोटी ८९ लाखांचा निधी | Sakal
sakal

बोलून बातमी शोधा

शंभूराज देसाई

सातारा : पाणी योजनांना १४ कोटी ८९ लाखांचा निधी

मोरगिरी: पाटण तालुक्यातील नादुरुस्त नळ पाणीपुरवठा योजनांच्या कामासाठी गृहराज्यमंत्री शंभूराज देसाई यांच्या मागणीवरून पाणीपुरवठा मंत्री गुलाबराव पाटील यांनी २८ नळ पाणीपुरवठा योजनांसाठी १४ कोटी ८९ लाखांचा निधी मंजूर झाल आहे.पाटण तालुक्यात जुलै महिन्यामध्ये मोठ्या प्रमाणात अतिवृष्टी होऊन डोंगरी व दुर्गम भागात वसलेल्या अनेक गावांतील नळ पाणीपुरवठा योजनांचे मोठ्या प्रमाणात नुकसान झाले होते. गावातील ग्रामस्थांनी‌ निवेदनाव्दारे निधीची मागणी केली होती.

त्यानुसार नळ पाणीपुरवठा योजनांना राज्य शासनाचे जलजीवन मिशन योजनेअंतर्गत निधी मंजूर होण्यासाठी पाणीपुरवठा मंत्री पाटील यांच्याकडे मागणी केली होती. त्यानुसार पाटण तालुक्यातील २८ नळ पाणीपुरवठा योजनांच्या कामांना १४ कोटी ८९ लाख रुपयांचा निधी मंजूर करण्यात आला आहे. पाटण तालुक्यातील पेठशिवापूर, गव्हाणवाडी, मस्करवाडी, उधवणे, जिंती, शितपवाडी, मुठ्ठलवाडी, चौगुलेवाडी, कोळगेवाडी या गावांमध्ये राज्य शासनाच्या राष्ट्रीय ग्रामीण पेयजल योजनेअंतर्गत नळ पाणीपुरवठा योजना मंजूर झाल्या होत्या.

परंतु, जलजीवन मिशन योजनेअंतर्गत घरोघरी नळ जोडणीचे कामाचा समावेश आहे. त्यामुळे कामांचे बजेट वाढले आहे. जादा निधी आवश्यकता लक्षात घेऊन राष्ट्रीय ग्रामीण पेयजल योजनेतून मंजूर कामे रद्द करून या योजनांचा समावेश जलजीवन मिशन योजनेअंतर्गत करून नव्याने मंजुरी देण्याचे प्रस्ताव सादर करण्याच्या सूचना मंत्री देसाई यांनी केल्या होत्या. त्यानुसार पाटण तालुक्यातील राष्ट्रीय पेयजल योजनेतील कामांचा नव्याने जलजीवन मिशन योजनेअंतर्गत समावेश करण्यात आला आहे.

Web Title: Water Schemes Satara Fund

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top