सातारा : पेन खरेदी करण्याच्या बहाण्याने दुकानात आलेल्या युवकाने दुकानदार महिलेच्या गळ्यातील ४० हजारांचे सोन्याचे मंगळसूत्र हिसकावून नेले. संभाजीनगर येथे हा प्रकार घडला असून, शहर पोलिस ठाण्यात अनोळखी दोघा चोरट्यांवर गुन्हा नोंदविण्यात आला आहे. .संभाजीनगरातील श्रीकृपा कॉलनीत विद्यादेवी कल्याण महाडिक या राहण्यास असून, त्यांचे किराणामालाचे दुकान आहे. शुक्रवारी सकाळी त्या नेहमीप्रमाणे दुकानात कार्यरत होत्या. दुकानासमोर दोन युवक दुचाकीवरून आले. एक जण दुचाकीवरच बसून राहिला दुसरा उतरून दुकानात आला. दुकानात आलेल्या युवकाने पेन खरेदीच्या बहाण्याने विद्यादेवी महाडिक यांना बोलण्यात गुंतवले. याचदरम्यान त्या युवकाने विद्यादेवी महाडिक यांच्या गळ्यातील मंगळसूत्र हिसकावण्याचा प्रयत्न केला. हा प्रयत्न लक्षात येताच त्यांनी गळ्यात असणारे मंगळसूत्र पकडून ठेवले..हिसकावत अर्धे तुटलेले मंगळसूत्र घेऊन तो युवक बाहेर दुचाकीवर थांबलेल्या युवकाच्या सोबत पळून गेला. याची तक्रार विद्यादेवी महाडिक यांनी सातारा शहर पोलिस ठाण्यात नोंदवली असून, यात त्यांनी दुचाकीवरून आलेल्यांनी ४० हजारांचे पाऊण तोळ्याचे मंगळसूत्र हिसकावून नेल्याचे नमूद केले आहे. याचा तपास उपनिरीक्षक राठोड हे करीत आहेत. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
