कऱ्हाड : मुंबई-दादर येथील सायबर गुन्हे शाखेने ऑनलाइन फसवणूकप्रकरणी अटक केलेल्या दोघांनी तालुक्यातील वडगाव हवेली येथील युवतीची आर्थिक फसवणूक केल्याचे उघडकीस आले आहे. त्यानुसार संबंधित युवतीच्या फिर्यादीवरून दोन्ही संशयितांवर तालुका पोलिस ठाण्यात गुन्हा दाखल करण्यात आला. प्रगती प्रताप जगताप (रा. वडगाव हवेली) हिने याबाबतची फिर्याद दिली. याप्रकरणी दिन मोहम्मद जाकीर (वय २७, रा. किनगाव, ता. पुन्हाना, जि. नूह, मेवात, हरियाना) व आसिफअली ताहीर हुसेन (वय २२, रा. खानपूर-घाटी, मेवात, हरियाना) यांना अटक केली आहे.