AC Cooling Tips : उन्हाळ्याचे तापमान दिवसेंदिवस वाढतच चालले आहे. अशा वेळी एअर कंडिशनर (AC) ही एक जीवनावश्यक गोष्ट बनली आहे. मात्र अचानक एसी थंड होणे बंद होत असेल तर घाबरून जाऊ नका किंवा थेट टेक्निशियनला बोलवू नका. काही सोप्या गोष्टी तुम्ही स्वतः तपासून पाहू शकता त्यामुळे वेळ आणि पैसे दोन्ही वाचतील. चला तर पाहूया, एसीसंबंधित सोप्या ट्रिक्स पाहुयात.
कधी कधी थर्मोस्टॅट चुकीच्या मोडवर असतो. तो ‘Cool’ मोडवर (बर्फाचे चिन्ह असलेला) आहे का हे तपासा. तापमानदेखील खोलीच्या तापमानापेक्षा कमी ठेवले आहे का, हेही पाहणे महत्त्वाचे आहे.
धुळीने भरलेला किंवा ब्लॉक झालेला एअर फिल्टर थंडावा कमी करतो. जर फिल्टर मळलेला दिसत असेल तर तो धुवा किंवा नवीन लावा. सतत वापर होत असल्यास दर पंधरा दिवसांनी फिल्टर साफ करणे आवश्यक आहे.
एसीच्या बाहेरील युनिटवर धूळ, पाने किंवा इतर काही साचले असल्यास थंडावा कमी होतो. त्या युनिटभोवती स्वच्छता ठेवा, त्यामुळे हवा व्यवस्थित फिरेल आणि कार्यक्षमता वाढेल.
एसी चालू असताना दरवाजे आणि खिडक्या पूर्णपणे बंद ठेवा. उघड्या जागांमधून थंड हवा बाहेर आणि गरम हवा आत शिरते, ज्यामुळे एसीवर ताण येतो आणि तो थंड होत नाही.
जर तुम्हाला एसीच्या पाइप्सवर किंवा कॉइल्सवर बर्फ दिसत असेल तर लगेच युनिट बंद करा आणि काही तासांनी चालू करा. बर्फ जमा होणे म्हणजे वायुप्रवाहात अडथळा किंवा रेफ्रिजरंटची कमतरता असू शकते.
कधी कधी इलेक्ट्रिकल पॅनेलमधील सर्किट ब्रेकर ट्रिप झाल्यामुळे एसी नीट चालत नाही. ब्रेकर तपासून गरज असल्यास रीसेट करा.
अनावश्यक लाईट्स बंद करा, उन्हाळ्यात पडदे लावा आणि इलेक्ट्रॉनिक उपकरणांचा कमी वापर करा. यामुळे घरातली उष्णता कमी होईल आणि एसी अधिक चांगल्या प्रकारे काम करेल. वरील उपाय करूनही एसी थंड करत नसेल तर एसी सर्व्हिसिंग करणाऱ्या तंत्रज्ञाची मदत घ्या. नियमित देखभाल केल्यास अशा समस्यांना टाळता येते.
टिप: उन्हाळ्याच्या हंगामात दर काही महिन्यांनी एसीची सर्व्हिसिंग करून घेणे फायदेशीर ठरते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.