Artificial Intelligence in Business: चक्क ९४ टक्के भारतीय प्रोफेशनल्स करतात कृत्रिम बुद्धिमत्तेचा वापर, काय आहे कारण ?

Indian professionals use AI : नुकतचं कृत्रिम बुद्धिमत्तेबद्दलचं (AI) नवीन संशोधन समोर आलय. भारतातील ९४ टक्के सेवा क्षेत्रातील व्यावसायिक कृत्रिम बुद्धिमत्तेचा (AI) वापर करतात आणि त्यामुळे त्यांच्या कामाचा वेळ वाचतो असे असे या संशोधनात म्हणले आहे. सेल्सफोर्स या कंपनीने (salesforce company survey) केलेल्या सर्वेक्षणातून हा निष्कर्ष समोर आला आहे.

याच सर्वेक्षणात असेही आढळून आले आहे की, AI वापरणाऱ्या संस्थांमधील ८९ टक्के सेवा व्यावसायिकांना या तंत्रज्ञानामुळे खर्चात बचत होते.

“ग्राहकांच्या अपेक्षा वाढत असताना, कृत्रिम बुद्धिमत्तेचे अनेक फायदे आहेत ज्यामध्ये उत्पादकता वाढणे, खर्चात बचत आणि ग्राहकांना अधिक चांगली सेवा देणे याचा समावेश आहे,” असे सेल्सफोर्स इंडियाचे व्यवस्थापकीय संचालक (विक्री) अरूण कुमार परमेश्वरन यांनी सांगितले.

“कृत्रिम बुद्धिमत्ता (AI and Data) आणि डाटा ग्राहकांना सर्वोत्तम अनुभव देण्यासाठी आवश्यक असलेला महत्वाचा टप्पा आहे,” असे ते म्हणाले.

या सर्वेक्षणात 30 देशांतील 5,500 पेक्षा जास्त सेवा क्षेत्रातील व्यावसायिकांचा समावेश होता. त्यापैकी 300 जण भारतातून होते.

या अहवालानुसार, भारतातील ९३ टक्के सेवा संस्था या वर्षी कृत्रिम बुद्धिमत्तेवरच्या गुंतवणुकीत वाढ (AI use in business) करण्याचे नियोजन करीत आहेत. भारतामध्ये कृत्रिम बुद्धिमत्तेचा वापर करण्याच्या सेवांमध्ये स्वयंचलित सारांश (auto summary) आणि अहवाल, ग्राहकांसाठी माहितीपूर्ण लेख तयार करणे यांचा समावेश आहे.