Amazon Pink Dot packaging : ऑनलाईन शॉपिंग करताना पॅकेज मिळाल्यावर लगेचच त्यावर एक छोटा, पण महत्वाचा 'पिंक डॉट' आहे का, हे तपासायला विसरू नका. विशेषतः जर तुम्ही अ‍ॅमेझॉनवरून वस्तू मागवल्या असतील तर. ग्राहकांच्या सुरक्षेच्या दृष्टीने अ‍ॅमेझॉनने एक नवे ‘टॅम्पर-प्रूफ’ (छेडछाड होऊ न शकणारे) पॅकेजिंग तंत्रज्ञान आणले आहे.
अ‍ॅमेझॉनने ग्राहकांच्या अनुभवाला अधिक विश्वासार्ह बनवण्यासाठी विशेष पॅकेजिंगची सुरुवात केली आहे. आता अ‍ॅमेझॉनकडून येणाऱ्या काही पार्सल्सवर एक खास पिंक किंवा रेड डॉट असलेली टेप वापरली जात आहे. ही टेप जर कोणी गरम करून किंवा कोणत्याही पद्धतीने उघडण्याचा प्रयत्न केला, तर त्या डॉटचा रंग बदलतो, ज्यामुळे पार्सलसोबत छेडछाड झाली आहे का हे लगेच ओळखता येते.
गेल्या काही काळात अनेक ग्राहकांनी अ‍ॅमेझॉन आणि इतर ई-कॉमर्स प्लॅटफॉर्म्सविषयी तक्रारी केल्या होत्या स्मार्टफोनच्या जागी साबण, शूजच्या जागी डिटर्जंट असे प्रकार समोर आले होते. अशा प्रकारांची गंभीर दखल घेत, अ‍ॅमेझॉनने हे नवे तंत्रज्ञान वापरण्यास सुरुवात केली आहे.
अनेकदा छेडछाड ही वितरण एजंटांकडूनच केली जात असल्याचे समोर आले आहे. पार्सल्सची सील उघडून, आतील वस्तू बदलल्या जातात आणि पुन्हा तीच टेप लावून पार्सल बंद केले जाते. त्यामुळे ग्राहकाला मूळ सील आहे असे वाटते, पण वस्तू चुकीची असते. हे रोखण्यासाठी आता अ‍ॅमेझॉनच्या टॅम्पर प्रूफ पॅकेजिंगमुळे कोणतीही छेडछाड लपवता येणार नाही.
सध्या हे विशेष पॅकेजिंग औषधे, हेल्थ आणि ब्युटी प्रोडक्ट्ससाठी वापरले जात आहे. मात्र येत्या काळात हे तंत्रज्ञान अ‍ॅमेझॉनच्या इतरही सर्व प्रोडक्ट्ससाठी लागू करण्यात येणार आहे. अनेक वापरकर्त्यांनी सोशल मिडिया प्लॅटफॉर्म 'X' वर या पॅकेजिंगचे फोटो शेअर केले आहेत.
सणासुदीच्या खरेदीचा हंगाम जवळ येत असल्याने अ‍ॅमेझॉनने हे पाऊल वेळेत उचलले आहे. त्यामुळे ग्राहक अधिक सुरक्षित आणि बिनधास्तपणे खरेदी करू शकतील.
जर तुम्हाला अ‍ॅमेझॉनकडून एखादं पार्सल मिळालं तर त्यावर 'पिंक डॉट' आहे का, याकडे लक्ष द्या. डॉट असलेली टेप छेडलेली वाटत असेल, रंग बदललेला असेल तर लगेच अ‍ॅमेझॉनला कळवा.
आता ऑनलाइन खरेदी केल्यावर फसवणूक होण्याची शक्यता कमी होणार आहे, पण सावधगिरी बाळगणे हेच शहाणपणाचे!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
