मुंबई : अॅपलचे सीईओ टिम कुक नऊ वर्षांच्या भारतीय मुलीच्या प्रतिभेने थक्क झाले आहेत. टीम कुक यांनी ई-मेलद्वारे या मुलीचे कौतुक केले आहे. दुबईत राहणाऱ्या हाना मुहम्मद रफीक या 9 वर्षीय भारतीय मुलीने आयफोनसाठी एक अॅप विकसित केले आहे. हानाने टिम कुकला ईमेल करून माहिती दिली की ती सर्वात तरुण iOS डेव्हलपर आहे.
हानाने "हानस" नावाचे अॅप विकसित केले आहे जे एक कथा सांगणारे अॅप आहे. या अॅपद्वारे पालक आपल्या मुलांसाठी कथा रेकॉर्ड करू शकतील. टीम कुकनेही हानाच्या ई-मेलला उत्तर देत तिचं कौतुक केलं आहे. (Hana Muhammad Rafeeq)
तुम्ही अॅप मोफत डाउनलोड करू शकता
हानस हे एक मोफत अॅप आहे जे कोणीही अॅपलच्या अॅप स्टोअरवरून डाउनलोड करू शकते. या अॅपमध्ये मुलांसाठी अनेक कथा आहेत. आपण या अॅपवर आपल्या स्वत:च्या ऑडिओ कथा देखील अपलोड करू शकता. जे पालक आपल्या मुलांना वेळ देऊ शकत नाहीत त्यांच्यासाठी हे अॅप उत्तम आहे.
वयाच्या पाचव्या वर्षी कोडींग करायला सुरुवात केली
गल्फ न्यूजच्या रिपोर्टनुसार, हानाने वयाच्या पाचव्या वर्षी कोडींग करायला सुरुवात केली होती. हानाचा दावा आहे की अॅप विकसित करण्यासाठी त्यांनी कोणत्याही थर्ड पार्टी कोडची मदत घेतली नाही. हानाने अॅपसाठी 10,000 हून अधिक ओळी कोडिंग लिहिल्याचा दावा केला आहे.
हानाने टिम कुकला मेलमध्ये अॅपच्या त्वरीत पूर्वावलोकनासाठी विनंती केली होती. हानाच्या मेलला उत्तर देताना, टीम कुकने कौतुक केले आणि लिहिले, 'एवढ्या लहान वयात तुमच्या सर्व प्रभावी कामगिरीबद्दल अभिनंदन. हे चालू ठेवा आणि भविष्यात तुम्ही आणखी चांगल्या गोष्टी कराल.'
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.