Auto Expo 2023 : मारुतीची पहिली इलेक्ट्रिक SUV लाँच; बाजारात कधी येणार? वाचा

auto expo 2023 : ऑटो एक्सपो 2023 च्या पहिल्याच दिवशी मारुती सुझुकीने धमाका केला आहे. अनेक दिवसांपासून कंपनीच्या इलेक्ट्रिक कारची वाट पाहणाऱ्या लोकांना नवीन वर्षाचे सरप्राईज मिळाले आहे. ऑटो एक्सपोच्या सुरुवातीला, मारुती सुझुकीने आपली नवीन इलेक्ट्रिक SUV कॉन्सेप्ट कार लोकांसमोर सादर केली.

कंपनीने याचे नाव मारुती ईव्हीएक्स (Maruti EVX) ठेवले आहे. ज्याला EV एक्स असे म्हटले जातेम्. कंपनीने आता या कारसह स्पष्ट केले आहे की येत्या काही दिवसांत ती इलेक्ट्रिक एसयूव्ही सेगमेंटमध्ये उतरण्यासाठी सज्ज आहे. माहितीनुसार, यासाठी लोकांना 2025 अखेरपर्यंत वाट पाहावी लागणार आहे. ही कार तुम्हाला जानेवारी-फेब्रुवारी 2025 मध्ये रस्त्यावर दिसेल.

कंपनीच्या म्हणण्यानुसार ही कार टोयोटासोबत मिळून बनवण्यात आली आहे. त्याची टोयोटा आवृत्तीही भारतात लॉन्च होणार असल्याचे सांगण्यात येत आहे. ही कार बॉर्न-ईव्ही प्लॅटफॉर्मवर तयार केले आहे. कंपनी येत्या काही वर्षांत आणखी अनेक इलेक्ट्रिक कार आणण्यासाठी काम करत आहे. या सर्व कारमध्ये देखील कंपनी बॉर्न-ईव्ही प्लॅटफॉर्म वापरू शकते.