BSNL Recharge Plan : मोबाईल वापरकर्त्यांसाठी एक आनंदाची बातमी आहे. वारंवार रिचार्ज करण्याच्या त्रासातून सुटका मिळणार असून आता केवळ 5 रुपये प्रतिदिन खर्च करून संपूर्ण वर्षभर मोबाईल वापरणे शक्य होणार आहे. सरकारी दूरसंचार कंपनी बीएसएनएलने (BSNL) नव्या वार्षिक प्लॅनची घोषणा केली आहे. ज्यामुळे 120 कोटींहून अधिक मोबाईल युजर्सना मोठा दिलासा मिळणार आहे.
आजच्या डिजिटल युगात मोबाईल हा प्रत्येकाच्या जीवनाचा अविभाज्य भाग बनला आहे. कॉलिंग, इंटरनेट ब्राउझिंग, पेमेंट्स आणि दैनंदिन व्यवहार हे सर्व मोबाईलशिवाय करणे कठीण बनले आहे. मात्र, खासगी दूरसंचार कंपन्यांच्या वाढत्या रिचार्ज दरांमुळे अनेकांना हा खर्च परवडत नाही. अशा परिस्थितीत, बीएसएनएलने आपल्या ग्राहकांसाठी स्वस्त आणि दीर्घ वैधतेचे प्लॅन्स सादर केले आहेत, ज्यामुळे वारंवार रिचार्ज करण्याच्या त्रासापासून मुक्तता मिळेल.
बीएसएनएलने 365 दिवसांसाठी खास रिचार्ज प्लॅन आणला आहे, जो केवळ 1999 रुपयेमध्ये उपलब्ध आहे. या प्लॅनमुळे ग्राहकांना एकदा रिचार्ज केल्यावर एका वर्षासाठी कोणत्याही प्रकारच्या रिचार्जची गरज भासणार नाही.
अनलिमिटेड कॉलिंग: स्थानिक आणि एसटीडी नेटवर्कसाठी अनलिमिटेड कॉलिंगची सुविधा.
100 SMS प्रतिदिन: कोणत्याही नेटवर्कवर मोफत एसएमएस.
600GB डेटा: संपूर्ण वर्षभरासाठी उच्च-गती इंटरनेट डेटा.
हा प्लॅन विशेषतः अशा ग्राहकांसाठी फायदेशीर आहे, जे जास्त प्रमाणात डेटा वापरत नाहीत. पण कमी खर्चात मोबाईल सेवा सुरू ठेवू इच्छितात.
इतर खासगी कंपन्यांच्या तुलनेत बीएसएनएलचा हा वार्षिक प्लॅन सर्वात स्वस्त आणि किफायतशीर मानला जात आहे. वारंवार रिचार्ज करण्याचा त्रास टाळण्यासाठी आणि जास्त दिवस चालणारा बेस्ट मोबाईल प्लॅन शोधत असाल, तर हा बीएसएनएलचा 365 दिवसांचा रिचार्ज पर्याय सर्वोत्तम ठरू शकतो.
मोबाईल युजर्ससाठी हा प्लॅन म्हणजे एक सोयीस्कर पर्याय आहे. फक्त 5 रुपये प्रतिदिनच्या खर्चात संपूर्ण वर्षभर मोबाईल सेवा मिळणे ही नक्कीच एक आनंदाची बातमी आहे. जर तुम्ही सतत रिचार्ज करण्याच्या त्रासाला कंटाळला असाल, तर बीएसएनएलचा हा प्लॅन तुमच्यासाठी सर्वोत्तम पर्याय ठरू शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
