आता whatsapp, FB, Insta वापरासाठी मोजावे लागणार पैसे; मेटाची नवीन धोरणं

मेटा या तीन अॅप्ससाठी आता सशुल्क सेवा आणणार असल्याची घोषणा केली आहे.
social media whatsapp, FB, Insta
social media whatsapp, FB, Insta
Updated on

सध्या सोशल मीडिया ॲप आपल्या आयुष्याचा अविभाज्य घटक झाले आहे. त्यात व्हॉट्सॲप आघाडीवर आहे. क्वचीतच असे कोणीतरी असेल ज्याच्याकडे हे ॲप नाही. व्हॉट्सॲप हे सर्वात मोठे मेसेजिंग ॲप आहे. जगभरात ते वापरले जाते. तसाच वापर फेसबुक आणि इंस्टाग्राम या दोन्ही सोशल मीडिया ॲपचा होतो. दरम्यान, आता यासंदर्भात एक मोठी बातमी समोर येत आहे. या सोशल अॅपसाठी आता युजर्सना पैसे मोजावे लागणार आहेत. मेटा या तीन अॅप्ससाठी आता सशुल्क सेवा आणणार असल्याची घोषणा केली आहे. यासाठी कंपनी नवीन उत्पादन संस्था स्थापन करत आहे.

कोण आहे मेटा?

काही काळापूर्वी तीनही अॅप्स एकत्र करून एक कंपनी स्थापन करण्यात आली होती. ज्याचे नाव मेटा होते. आता मेटा कंपनी स्वतः व्हॉट्सअ‍ॅप, इंस्टाग्राम आणि फेसबुकची अंमलबजावणी आणि नियंत्रण करते. याचा अर्थ मेटा काही पैसे घेऊन वापरकर्त्यांना प्रगत सुविधा देणार आहे. यासाठी कंपनी एक नवीन उत्पादन संस्था स्थापन करत आहे, जी फेसबुक, इन्स्टाग्राम आणि व्हॉट्सअॅपवर सशुल्क फीचर्ससाठी काम करणार आहे. या युनिटच्या प्रमुख प्रतिति रॉय चौधरी असतील, त्या यापूर्वी मेटाच्या हेड ऑफ रिसर्च (Head of Research) प्रमुख होत्या.

social media whatsapp, FB, Insta
Redmi A1 : रेडमीचा एंट्री लेव्हल स्मार्टफोन भारतात लॉंच, जाणून घ्या डिटेल्स

मेटाचा प्लॅन सविस्तर जाणून घेऊया..

कंपनी योजना तपशील

एका अहवालात, इंटरनल मेमोच्या सहाय्याने अशी माहिती देण्यात आली आहे की, मेटा कंपनी New Monetization Experiences नावाचा नवीन विभाग तयार करत आहे. या विभागाचे काम फेसबुक आणि इन्स्टाग्राम अॅप्स आणि व्हॉट्सअॅपसाठी सशुल्क फीचर्सवर लक्ष केंद्रित करणार आहे. या कामाचे आणि या विभागाचे नेतृत्व प्रतिती रॉय चौधरी करणार आहेत.

कंपनीने पेड सेवांच्या वैशिष्ट्यांबद्दल माहिती किंवा कोणतीही चर्चा करण्याची ही पहिलीच वेळ नाही. अशा कंपनीने या समस्यांबद्दल आधीच बोलले आहे. पण हे फीचर्स कसे असतील याबद्दल कंपनीने अद्याप माहिती दिलेली नाही. अहवालात असे म्हटले आहे की, मेटाच्या Ads and Business Products चे प्रमुख जॉन हेगेमन यांच्या मुलाखतीतून हे उघड झाले आहे. कंपनी सध्या आपल्या जाहिराती व्यवसायाचा विस्तार करण्यात गुंतलेली आहे.

इतर सोशल मीडिया अॅप्स आधीपासूनच पेड सेवा देतात

इतर सोशल मीडिया कंपन्या जसे की स्नॅपचॅट आणि ट्विटर आधीच त्यांच्या वापरकर्त्यांना सशुल्क सेवा देतात. पेड सर्व्हिसेसमध्ये हे अॅप वापरकर्त्यांना स्नॅपचॅट प्लस आणि ट्विटर ब्लू या नावाने सेवा देतात. या सेवांद्वारे, या अॅप्सची कंपनी आपल्या वापरकर्त्यांना अनेक विशेष वैशिष्ट्ये देते.

social media whatsapp, FB, Insta
YouTube वर व्हिडिओ पाहताना जाहिरात तुम्हाला त्रास देणार नाही; 'ही' सोपी ट्रिक वापरा

Snap, Twitter आणि Meta सारख्या सर्व सोशल मीडिया अॅप्सचा महसूल मुख्यतः डिजिटल जाहिरातींमधून येतो. जे वापरकर्ते ब्रँडिंग आणि मार्केटिंगसाठी चालवतात. मेटा पेड वापरकर्त्यांना वैशिष्ट्ये प्रदान करत असल्यास, ते जाहिरातींशिवायही त्यांचे उत्पन्न काढू शकतील. काही काळापूर्वी, स्नॅपचॅटने स्नॅपचॅट प्लस सबस्क्रिप्शन सेवा सुरू केल्या आहेत. ज्यासाठी वापरकर्त्यांना कंपनीला दरमहा 49 रुपये द्यावे लागतील. दुसरीकडे, ट्विटर आधीपासूनच सदस्यता उत्पादन प्रदान करते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com