EV bike : १ रुपयात ५ किमी चालेल ही स्कूटर; फक्त १० हजारांत आणा घरी

मुंबई : भारतीय बाजारपेठेत इलेक्ट्रिक वाहने तेजीत आहेत. अशा अनेक कंपन्यांनी त्यांची ई-वाहने एकापाठोपाठ एक लाँच केली आहेत. त्यामुळे बाजारपेठ ईव्हीने गजबजली आहे. कंपन्यांच्या ईव्हीच्या विक्रीत वाढ होण्यामागे देशातील पेट्रोल आणि डिझेलच्या किंमतीत वाढ होण्याचेही एक मोठे कारण आहे.

अशा परिस्थितीत आम्ही तुमच्यासाठी अशाच एका स्कूटरची माहिती घेऊन आलो आहोत, ज्याची किंमत ५ किमी चालण्यासाठी फक्त १ रुपया असेल. ही स्कूटर फक्त १० हजार रुपयांमध्ये घरी आणू शकता.

आपण इथे Hero Atria LX स्कूटरबद्दल बोलत आहोत ज्याद्वारे तुम्ही फक्त १० हजार रुपयांच्या डाऊनपेमेंटमध्ये फायनान्स प्लॅन अंतर्गत स्कूटर घरी आणू शकता. Hero Atria LX स्कूटरवर उपलब्ध असलेल्या फायनान्स ऑफरबद्दल जाणून घेण्यापूर्वी, Hero Atria LX स्कूटरच्या वैशिष्ट्यांबद्दल जाणून घेऊ या.

Hero Atria LX स्कूटरची वैशिष्ट्ये -

या स्कूटरमध्ये तुम्हाला 250 वॅट्सचा बॅटरी पॅक मिळतो. यामध्ये तुम्हाला 85km ची रेंज मिळते. हे या स्कूटरचे खास वैशिष्ट्य आहे. त्याची पूर्ण बॅटरी चार्ज होण्यासाठी सुमारे ५ तास लागतात. या स्कूटरमध्ये तुम्हाला 25 kmph चा टॉप स्पीड मिळेल. ही स्कूटर भारतीय इलेक्ट्रिक टू-व्हीलर स्पेसच्या लो-स्पीड सेगमेंटमध्ये येते. यामुळे यासाठी ड्रायव्हिंग लायसन्स किंवा रजिस्ट्रेशनची गरज नाही.

Hero Atria LX वर वित्त योजना जाणून घ्या

Hero Atria LX स्कूटरची किंमत ७१,६९० रुपये आहे. जर तुम्हाला ही स्कूटर घ्यायची असेल तर तुम्ही फक्त 10 हजार रुपये भरून EMI वर खरेदी करू शकता. यासाठी तुम्हाला बँकेकडून कर्ज घ्यावे लागेल.

बँक तुम्हाला 61,690 रुपये कर्ज देते. हे कर्ज तुम्हाला २ वर्षांसाठी मिळते. कर्जावर मिळालेल्या पैशावर तुम्हाला ८ टक्के दराने व्याज द्यावे लागेल. यानंतर, तुम्हाला 2 वर्षांसाठी 2,790 रुपये EMI भरावा लागेल.