Google Map Colours : गुगल मॅपचे रंग शोभेचे नाहीत! रंगाचा खरा अर्थ माहितीये? वाचा तुमच्या कामाची गोष्ट

Google Map Colours Meaning : गुगल मॅपवर दाखवले जाणारे रंग रस्त्यांची स्थिती आणि ट्रॅफिकविषयी महत्त्वाची माहिती देतात. हे रंग समजून घेतल्यास तुमचा प्रवास अधिक सुकर, वेगवान आणि स्मार्ट होईल.
Google Map Colours Meaning
Google Map Colours Meaningesakal
Updated on

Google Map Colours Meaning : स्मार्टफोन युगात Google Maps हे एक महत्वाचे साधन बनले आहे. प्रवास करताना रस्ता चुकू नये, ट्रॅफिक टळावा किंवा योग्य मार्ग निवडावा यासाठी आपण हे अ‍ॅप सतत वापरतो. पण तुम्ही कधी लक्ष दिलं आहे का, की Google Maps वर हिरवे, लाल, पिवळे, निळे, जांभळे आणि तपकिरी रंगाचे रस्ते दाखवले जातात? हे रंग फक्त डिझाईनसाठी नसून प्रवासाविषयी महत्त्वपूर्ण माहिती देतात. जाणून घ्या या प्रत्येक रंगामागचं खरं गुपित!

हिरवा रंग

हिरवा रंग म्हणजे रस्ता मोकळा आहे. ट्रॅफिक नाही, थांबावं लागणार नाही म्हणजे प्रवास झटपट आणि आरामात होणार.

पिवळा किंवा केशरी रंग

हा रंग दाखवत असेल, तर समजून घ्या की थोडी वाहतूक आहे, पण फारसा उशीर होणार नाही. अजूनही हा मार्ग निवडणं ठीकच आहे.

Google Map Colours Meaning
Oppo Reno 14 and Reno 14 Pro : लॉन्च झाला दमदार बॅटरीचा Oppo Reno 14, एकदम झक्कास डिझाइन अन् 50MP ट्रिपल कॅमेरा, किंमत फक्त..

लाल रंग

लाल रंग दिसत असेल, तर तिथे घनदाट वाहतूक आहे. जर रंग अधिक गडद किंवा जाड असेल, तर ते ट्रॅफिक जॅम सूचित करतं. घाईत असाल, तर दुसरा मार्ग शोधा.

निळा रंग

प्रवास सुरू करताना जो निळा रस्ता दिसतो, तो म्हणजे तुमच्या मूळ ठिकाणापासून जिथे जायचे आहे त्या ठिकाणापर्यंतचा सुचवलेला मार्ग. तो नेहमी सर्वात अचूक आणि सोपा असतो.

जांभळा रंग

कधी कधी Google Maps एक जांभळा रंगाचा पर्यायी मार्ग दाखवतो. यात थोडी वाहतूक असू शकते, पण मुख्य मार्गावर अधिक ट्रॅफिक असेल, तेव्हा हा चांगला पर्याय ठरतो.

Google Map Colours Meaning
Jio OTT Offers : जिओची धमाका ऑफर! 100 रुपयांच्या रिचार्जमध्ये 299 रुपयांचे फायदे अन् 90 दिवसांची वैधता

तपकिरी रंग

तपकिरी रंग असेल, तर तो डोंगराळ भाग दाखवतो. विशेषतः ग्रामीण किंवा घाट भागातील प्रवासासाठी हा इशारा फायद्याचा ठरतो.

या रंगांची माहिती का महत्त्वाची आहे?

या रंगांच्या अर्थांची माहिती असल्यास, तुम्ही वेळ वाचवू शकता, ट्रॅफिक टाळू शकता आणि प्रवासात लवकर निर्णय घेऊ शकता. पुढच्या वेळेस Google Maps उघडताना लक्षात ठेवा. हे रंग केवळ असेच दिलेले नाहीत, ते तुमचे ट्रॅव्हल असिस्टंट आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com