Google Meet वर आले नवीन फिचर्स! मिटींग होणार आणखी मस्त

जगभरात कोरोनाचे प्रमाण कमी होत आहे. त्यामुळे बर्‍याच आपल्या कर्मचाऱ्यांना पुन्हा ऑफिसमध्ये बोलवत आहेत. तर काहींचे अजून घरूनच काम सुरू आहे. असे असले तरी ऑफिसच्या मिटींग्स या कुणालाच चुकलेल्या नाहीत. कोरोना काळात ऑफिसच्या मिटिंग्स झूम, गुगल मिट वर होत होत्या. त्यासाठी आता Google ने Google Meet वर एक प्रमुख अपडेट दिले आहे, ज्याचा उद्देश ऑफिसला जाणाऱ्यांना त्यांचे दैनंदिन कामात मदत करणे आणि कामाचे व्यवस्थापन सोपे करणे आहे.

इन मिटिंग रिएक्शन - मीटिंगमधील प्रतिक्रिया

या अपडेटचा एक भाग म्हणून, Google Meet इन-मीटिंग रिएक्शन हा पर्याय आणते आहे. मीटिंगमध्ये Google Meet वापरकर्त्यांना प्रतिसाद देण्यासाठी किंवा इतर सहभागींना त्यांच्या कमेंट्स देण्याचा मार्ग म्हणून थंब्स अप, हार्ट, मोठ्याने हसणे, थंब्स डाउन, सरप्राईज आणि टाळ्या असे निवडक इमोजी वापरण्यासाठी मिळणार आहेत. कंपनीने गुगल मीटवर कमेंटसाठी स्क्रीनशॉट शेअऱ केला आहे. त्यानुसार युझर्स सेटिंग्ज मेनू वापरून हे इमोजी बदलू शकतात, जे या इमोजींच्या पुढे दिसतील, जेव्हा युझर्स मीटिंगमध्ये असतील तेव्हा स्क्रीन शेअरिंग बटण त्याच्या शेजारी दिसणार आहे. त्यासाठी घड्याळाच्या आयकॉनवर क्लिक करायचे आहे. कंपनीच्या मते, लोकांच्या प्रतिक्रिया व्हिडिओ टाइलमध्ये दिसतील किंवा त्यांची व्हिडिओ टाइल दिसत नसल्यास त्यांच्या नावाने ओव्हरफ्लो होईल आणि त्या लवकरच वापरासाठी उपलब्ध होतील.

पिक्चर-इन-पिक्चर मोड (पीआयपी मोड)

Google मीटमध्ये Google पिक्चर-इन-पिक्चर मोड (पीआयपी मोड) हा नवीन पर्याय देणार आहे.. एका ब्लॉग पोस्टमध्ये, Google ने Chrome ब्राउझरवर मीटमध्ये पिक्चर-इन-पिक्चर आणत असल्याचे सांगितले. प्रेझेंटर्स आणि मल्टीटास्कर्सना वेगवेगळ्या टॅब आणि विंडोमधून नेव्हिगेट करताना हे पाहण्यास मदत मिळणार आहे.