भारताकडून आणखी ५४ अ‍ॅप्सवर बंदी; चिनी अ‍ॅप्सचाही समावेश

नवी दिल्ली - भारत सरकारने आणखी ५४ मोबाइल अ‍ॅप्सवर बंदी घातली आहे. देशाचा सुरक्षेला धोकादायक ठरत असल्याने सरकारकडून ही कारवाई करण्यात आली आहे. यामध्ये चिनी अ‍ॅप्सचासुद्धा समावेश आहे. नव्या बंदी घातलेल्या अ‍ॅप्सच्या यादीत आधी बंदी घालण्यात आलेल्या अ‍ॅप्सचा समावेश आहे. मात्र ते क्लोन स्वरुपात पुन्हा समोर आले होते. २०२० नंतर देशात एकूण २७० अ‍ॅपवर बंदी घालण्यात आली आहे. (Indian Govt ban 54 apps including Chinese apps)

सरकारने ५० आणखी अ‍ॅप्सवर बंदी घातली आहे. माहिती तंत्रज्ञान कायद्याच्या कलम ६९ ए अंतर्गत या अ‍ॅपवर बंदी घालण्यात आली आहे. गरेना फ्री फायर नावाची गेम गुगल प्ले स्टोअर आणि अ‍ॅपल अ‍ॅप स्टोअरवरून नाहीसं झालं होतं. या गेमवर भारतात बंदी घातली असण्याची शक्यता आहे.

रिपोर्टनुसार नव्या बंदी घालण्यात आलेल्या यादीत सर्वाधिक क्लोन करण्यात आलेली अ‍ॅप्स आहेत. यात २०२० पासून बंदी घालण्यात आलेली अ‍ॅप्सही आहेत. तसंच ५० आणखी अ‍ॅप्सवर बंदी घालण्यात आली असून एकूण बंदी घातलेल्या अ‍ॅप्सची संख्या ही ३२० पर्यंत पोहचण्याची शक्यता आहे.