Gaganyaan Mission
sakal
विज्ञान-तंत्र
Gaganyaan Mission: ड्रोग पॅराशूट पात्रता चाचणी यशस्वी; सुरक्षित लँडिंगसाठी महत्त्वाचे, ‘गगनयान’ची तयारी वेगात
ISRO Completes Critical Drogue Parachute Test: इस्रोने गगनयान मोहिमेसाठी ड्रोग पॅराशूट प्रणालीची यशस्वी पात्रता चाचणी पूर्ण केली. मानवसहित अवकाशयानाच्या सुरक्षित लँडिंगसाठी हा महत्त्वाचा टप्पा ठरला आहे.
बंगळूर : भारतीय अवकाश संशोधन संस्थेने (इस्रो) मानवसहित अवकाशयान उड्डाणाच्या दिशेने आणखी एक महत्त्वाचे पाऊल पुढे टाकले आहे. गगनयान मोहिमेअंतर्गत अंतराळवीरांचे सुरक्षित लँडिंग सुनिश्चित करण्यासाठी आवश्यक असलेल्या ‘ड्रोग पॅराशूट’ प्रणालीची पात्रता चाचणी ‘इस्रो’ने यशस्वीरित्या पूर्ण केली आहे. शनिवारी (ता. २०) ‘इस्रो’ने याबाबत अधिकृत घोषणा केली.