भारत जपानसोबत चंद्रावर पाठवणार यान; LUPEX मिशनचा ISRO ने घेतला आढावा

बेंगलुरु : भारतीय अंतराळ संशोधन संस्था अर्थात इस्रो जपानसोबत काम करत आहे. जपानची अंतराळ संस्था एअरोस्पेस एक्स्प्लोरेशन एजेन्सी Japan Aerospace Exploration Agency (JAXA) अर्थात जाक्सासोबत 2024 मध्ये चंद्राच्या दक्षिण ध्रुवावर अंतराळयान पाठवण्याची तयारी इस्रो करत आहे. यासाठी दोन्हीही देशांचे अंतराळ संशोधक तयारी करत आहेत. Lunar Polar Exploration (LUPEX) mission म्हणजेच चंद्राच्या ध्रुवावरील संशोधन अभियानाबाबतच्या भागीदारीचा दोन्ही देशांच्या अंतराळ संस्थांनी संयुक्तरित्या आढावा घेतला. याअंतर्गत चंद्राच्या दक्षिण ध्रुवावर 2024 च्या आसपास अंतराळयान पाठवण्याचं ध्येय आहे. 

अंतराळ विभागाचे सचिव तसेच इस्रोचे प्रमुख के. सिवन आणि जाक्साचे अध्यक्ष हिरोशी यामाकावा यांनी ऑनलाईन पद्धतीने झालेल्या द्विपक्षीय बैठखीत आपापल्या प्रतिनिधींचे प्रतिनिधित्व केले. इस्रोने आपल्या वक्तव्यात म्हटलंय की, पृथ्वी अवलोकन, चंद्र सहयोग आणि उपग्रहांचे नेव्हीगेशन यांसदर्भात जागरुकतेबाबत दोन्ही बाजूंमध्ये सहमती झाली.

हेही वाचा - खुशखबर! कोरोना लसीची किंमत घटली; प्रति डोस 200 रुपयांपेक्षाही कमी येणार खर्च

तसेच करारावर हस्ताक्ष झाले. भारत आणि जपानच्या संयुक्त मिशन मूनच्या योजनेची घोषणा 2017 मध्ये करण्यात आली होती. जर दक्षिण ध्रुवावर चांद्रयान-2 ची यशस्वी लँडींग झाली तर या योजनेला आणखी पुढे घेऊन जाता येईल. यासंदर्भात इस्रो आणि जाक्साचे संशोधक सातत्याने काम करत आहेत.