Top Data Booster Packs: कोरोनामुळे अनेक लोक अजूनही घरून काम करत आहेत आणि मुलांच शिक्षण तसेच अभ्यासही ऑनलाईन (Online) करत आहेत. परंतु अनेक वेळा प्लॅनमध्ये उपलब्ध असलेला दैनंदिन डेटा (Data) काम संपण्यापूर्वीच संपतो. आपल्यापैकी अनेकांना दररोज या समस्येचा सामना करावा लागतो. तुमचा डेटा प्लॅन संपल्यावर डेटा बूस्टर प्लॅन खरोखरच उपयुक्त ठरतात. महत्त्वाचे चालू कामात डेटा संपला, तर हे डेटा बूस्टर पॅक कामी येतात.
आज आम्‍ही तुम्हाला जिओ, एअरटेल आणि वोडाफोन-आयडियाच्या सर्वात किफायतशीर ते सर्वात भारी टॉप डेटा बूस्टर प्‍लॅनबद्दल सांगणार आहोत. यापैकी बहुतेक रिचार्ज प्लॅन तुमच्या चालू प्लॅनच्या वैधतेशी निगडीत असतात. तुमच्या मोबाईलवर एखादा प्लॅन चालू असेल तरच यापैकी बहुतेक प्लॅन चालतात. त्यामुळे तुमचा सध्याचा प्लॅन काही दिवसात कालबाह्य होणार असेल, तर तुम्ही मोठ्या डेटा बूस्टरसाठी जाऊ नये. ( Useful data booster packs of Jio, Airtel, Vi for running out of data!)
एअरटेलचा 58 रुपयांचा डेटा बूस्टर प्लान आहे जो 3GB डेटासह येतो. या पॅकमध्ये कोणतेही अतिरिक्त फायदे नाहीत. 98 रुपयांचा 5GB डेटा प्लॅन देखील आहे, ज्यामध्ये वापरकर्त्यांना Wink Music Premium चे सबस्क्रिप्शन देखील मिळते. ज्यांना थोडा अधिक डेटा हवा आहे त्यांच्यासाठी, Airtel 6GB डेटा बूस्टर प्लॅन देखील ऑफर करते जो रु 108 मध्ये येतो आणि विनामूल्य Hello Tunes आणि इतर फायदे ऑफर करतो. तुम्हाला आणखी डेटा हवा असल्यास, एअरटेलचा 118 रुपयांचा 12GB डेटा बूस्टर प्लान आणि 148 रुपयांचा 15GB डेटा बूस्टर प्लान आहे. कंपनीचा सर्वात महाग डेटा बूस्टर पॅक 301 रुपये आहे, ज्यामध्ये तुम्हाला 50GB अतिरिक्त डेटा मिळतो.
जिओ चार डेटा बूस्टर प्लॅन ऑफर करते, जे तुमच्या चालू प्लॅनच्या वैधतेशी जुळतील. यामध्ये 15 रुपयांच्या प्लॅनचा समावेश आहे जो तुम्हाला 1GB डेटा देईल, 25 रुपयांचा प्लॅन जो तुम्हाला 2GB डेटा देईल, 61 रुपयांच्या प्लॅनमध्ये 6GB आणि 121 रुपयांच्या प्लॅनमध्ये 12GB डेटा देईल. तथापि, Jio तीन वर्क-फ्रॉम-होम प्लॅन देखील ऑफर करते जे तुम्हाला दुहेरी-अंकी डेटा लाभ देतात. तथापि, हे तुमच्या विद्यमान वैधतेशी जुळणार नाहीत. ते स्वतःच्या वैधतेसह येतात, जी 30 दिवसांची आहे. यामध्ये 30GB डेटासह 181 रुपयांचा प्लॅन, 40GB डेटासह 241 रुपयांचा प्लॅन आणि 50GB डेटा देणारा 301 रुपयांचा प्लॅन समाविष्ट आहे. 296 रुपयांचा प्लॅन देखील आहे जो 30 दिवसांसाठी 25GB डेटा ऑफर करतो जो MyJio अॅपवरील 'नो डेली लिमिट' टॅबमध्ये आढळेल.
Vodafone Idea देखील अनेक डेटा बूस्टर प्लॅन ऑफर करते, तथापि त्यापैकी कोणतेही तुमच्या विद्यमान वैधतेशी जुळणार नाही कारण ते त्यांच्या स्वतःच्या वैधतेसह येतात. 19 रुपयांचा प्लॅन आहे जो 1GB डेटासह येतो आणि 24 तासांसाठी वैध आहे. त्यानंतर 48 रुपयांचा प्लॅन आहे जो 21 दिवसांसाठी 2GB डेटा ऑफर करतो, 58 रुपयांचा प्लॅन जो 28 दिवसांसाठी 3GB डेटा ऑफर करतो आणि 98 रुपयांचा प्लॅन 21 दिवसांसाठी 9GB डेटा ऑफर करतो. तुम्हाला आणखी डेटा हवा असल्यास, Vi चा 118 रुपयांचा प्लॅन आहे जो 28 दिवसांसाठी 12GB डेटा ऑफर करतो. 298 रुपयांचा प्लॅन आहे जो 28 दिवसांसाठी 50GB डेटा ऑफर करतो आणि 418 रुपयांचा प्लॅन 56 दिवसांसाठी 100GB डेटा ऑफर करतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
