Aadhar Card News : निळं आधार कार्ड कोणाला मिळतं जाणून घ्या!

आधार कार्ड ही आता प्रत्येक भारतीय लोकांची ओळख झाली आहे. सरकारी योजनांचा लाभ घ्यायचा असेल किंवा पासपोर्ट काढायचा असेल तर ते आधार कार्ड (Aadhar Card) लागतेच. आधारवर लिहिलेला १२ अंकी नंबर वगळता सर्वांचे आधार कार्ड सारखेच आहे. पण, UIDAI ने मुलांसाठी सुरू केलेल्या आधार कार्डचा रंग निळा ठेवला आहे.

५ वर्षांपेक्षा कमी वयोगटासाठी UIDAI बाल आधार कार्ड तयार करते. इतर आधार कार्डप्रमाणेच त्याची रचना असते. पण त्याचा रंग निळा असतो. कोणीही पालक वैध कागदपत्रे देऊन आपल्या मुलांचे आधार कार्ड मिळवू शकतात. . UIDAI आधार बनवण्यासाठी 31 प्रकारचे ओळख पुरावे, 44 प्रकारचे पत्त्याचे पुरावे, १४ प्रकारचे नातेसंबंधाचे पुरावे आणि १४ प्रकारचे जन्म प्रमाणपत्र स्विकारते. तुम्हालाही जर मुलांसाठी आधार कार्ड बनवायचे असेल, तर तुम्ही या कागदपत्रांसह UIDAI च्या वैध केंद्रांवर अर्ज करू शकता.

मुलांच्या आधारकार्डविषयक महत्वाच्या गोष्टी

-मुलाने वयाची पाच वर्ष पूर्ण केल्यानंतर आपोआपच हे कार्ड अवैध होईल.

-आधार कार्ड तयार करण्यासाठी मुलाच्या शाळेचा आयडी वापरला जाऊ शकतो.

-मुलाच्या वयाची ५ वर्ष पूर्ण झाल्यावर त्याचा biometric Aadhaar data अपडेट करावे. १५ वर्ष पूर्ण झाल्यावर पुन्हा ते अपडेट करणे गरजेचे आहे.

-मुलांचे आधारकार्ड तयार करण्यासाठी जन्म दाखला किंवा रूग्णालयातून मिळालेली डिस्चार्ड स्लिप पुरेशी आहे.

-पाच वर्षापर्यंतच्या मुलांचे आधार कार्डमध्ये बोटांचे ठसे आणि डोळे स्कॅन केले जात नाहीत.

-UIDAI द्वारे ज्येष्ठांसाठी जारी केलेल्या आधार कार्डचा रंग लहान मुलांपेक्षा वेगळा असतो. पाच वर्षांनंतर ते अपडेट करणे आवश्यक आहे, कारण पाच वर्षांनंतर मुलांचे आधार कार्ड अवैध ठरणार आहे.