Wi-Fi 7 दुप्पट स्पीड देणार, पण Wi-Fi 7 नेमकं आहे काय? जाणून घ्या

Qualcomm ने लवकरच Wi-Fi 6 अपग्रेड करण्याची घोषणा केली आहे. हे अपग्रेड Wi-Fi 7 असून ते नेक्स जनरेशन वायरलेस कनेक्टिव्हिटी स्टँडर्ड आहे. या अपग्रेडनंतर हे दुप्पट इंटरनेट स्पीड देईल अशी अपेक्षा व्यक्त केली जात आहे आणि Wi-Fi 6 च्या तुलनेत त्याची लेटन्सी अर्धी असेल.सध्या विकसीत केले जात असलेले हे Wi-Fi 7 नेमके काय आहे याबद्दल आपण सविस्तर माहिती घेऊया…

Wi-Fi 7 ची घोषणा करताना, Qualcomm ने सांगितले की या अपग्रेडमुळे फक्त इंटरनेट स्पीडच वाढणार नाही तर यामुळे लो-लेटंसी परफॉर्मंस देखील सुधारेल. कंपनीने एका ब्लॉग पोस्टमध्ये ही माहिती दिली आहे, ज्यामध्ये सांगितले आहे की, Wi-Fi 7 मधील लेटन्सी, स्पीड आणि परफॉर्मंस सुधारणेमुळे याचा वापर XR, Metaverse, Social Gaming आणि Edge Compute मध्ये केला जाईल.

काय फायदा होईल?

Wi-Fi 7 मध्ये 320 MHz सिंगल-चॅनेल बँडविड्थ वापरली जाईल तर, Wi-Fi 6 मध्ये फक्त 160MHz बँडविड्थ वापरली जाते. अधिक बँडविड्थ असल्याने जास्त डिव्हाईस कनेक्ट करता येतात. कार्यालये, रेस्टॉरंट आणि रेल्वे स्थानकांवर याचा अधिक वापर केला जाईल. त्यात आणखी अनेक फिचर्स पाहायला मिळतील.