Lava Yuva 4 Smartphone : भारतीय ग्राहकांसाठी खास आकर्षक, बजेटमध्ये बसणारा आणि iPhoneसारखा लुक असणारा Lava Yuva 4 हा स्मार्टफोन नुकताच लॉन्च करण्यात आला आहे. हा फोन पहिल्यांदा स्मार्टफोन खरेदी करणाऱ्यांसाठी तसेच कमी बजेटमध्ये अपग्रेड करणाऱ्यांसाठी उत्तम पर्याय आहे. Lava Yuva 4 प्रीमियम डिझाईन, उत्कृष्ट परफॉर्मेंस आणि अप्रतिम फिचर्ससह येतो. या सर्व गोष्टी तुम्हाला फक्त 6,999 रुपये या किमतीत मिळणार आहेत.
भारतीय कंपनी Lava International ने Lava Yuva 4 हा आपला नवीनतम बजेट स्मार्टफोन लॉन्च केला आहे. iPhone 16 Pro च्या डिझाईनपासून प्रेरित होऊन तयार करण्यात आलेल्या या फोनमध्ये स्लिक फ्लॅट-एज फ्रेम, गोलसर कडा आणि व्हर्टिकल कॅमेऱ्यांचा सेटअप आहे. या प्रीमियम लुकमुळे कमी किमतीत प्रीमियम अनुभव मिळतो.
या मोबाईलची किंमत 6,999 आहे आणि 4GB RAM आणि 64GB स्टोरेजचा प्रकार उपलब्ध आहे.
4GB RAM आणि 128GB स्टोरेज प्रकारही लवकरच सादर केला जाणार आहे, परंतु याची किंमत अद्याप जाहीर झालेली नाही. हा स्मार्टफोन Lava च्या रिटेल नेटवर्क द्वारे विक्रीसाठी उपलब्ध असून ग्राहकांना हँड्स-ऑन अनुभव आणि उत्कृष्ट विक्रीपश्चात सेवा मिळणार आहे. यासोबत 1 वर्षाची वॉरंटी आणि मोफत होम सर्व्हिस देखील दिली जाईल.
डिस्प्ले आणि परफॉर्मन्स
Lava Yuva 4 मध्ये 6.56 इंचांचा HD+ पंच-होल डिस्प्ले असून, 90Hz रिफ्रेश रेटसह एकसंध आणि प्रेक्षणीय अनुभव मिळतो. हा स्मार्टफोन Unisoc T606 चिपसेट वर चालतो, जो रोजच्या कामांसाठी उत्कृष्ट परफॉर्मन्स देतो.
स्टोरेज आणि सॉफ्टवेअर
स्मार्टफोनमध्ये दोन स्टोरेज प्रकार आहेत.
4GB RAM + 64GB स्टोरेज
4GB RAM + 128GB स्टोरेज
तसेच, ग्राहकांना 4GB व्हर्च्युअल RAM मिळणार आहे, ज्यामुळे मल्टीटास्किंग अधिक गतीमान होते. हा फोन Android 14 वर आधारित असून नवीन वापरकर्त्यांसाठी सहज वापरता येणारे इंटरफेस येतो.
कॅमेरा फिचर्स
फोटोग्राफी प्रेमींना आकर्षित करण्यासाठी Lava Yuva 4 मध्ये 50MPचा उत्कृष्ट रिअर कॅमेरा आणि 8MPचा फ्रंट कॅमेरा देण्यात आला आहे.
फोनमध्ये 5000mAh ची दमदार बॅटरी असून, 10W चार्जिंगसह दीर्घकाळपर्यंत वापरता येतो. यामध्ये साईड-माउंटेड फिंगरप्रिंट सेन्सर आहे, जो अधिक सुरक्षितता आणि सोयीसाठी आहे.
स्मार्टफोन तीन आकर्षक रंगांमध्ये उपलब्ध असेल.
मिडनाईट ब्लू
फॉरेस्ट ग्रीन
फ्रॉस्ट व्हाइट
फक्त 6,999 इतक्या किफायतशीर किमतीत प्रीमियम डिझाईन, दमदार परफॉर्मन्स, आणि उत्कृष्ट फिचर्ससह Lava Yuva 4 हा भारतीय बाजारपेठेत ग्राहकांसाठी एक प्रभावी पर्याय ठरणार आहे. iPhoneसारख्या लुकसह कमी बजेटमध्ये दर्जेदार स्मार्टफोन हवा असल्यास हा फोन नक्कीच पाहण्यासारखा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
