Lenovo Tab: 7700mAh बॅटरी, 8GB रॅमसह Lenovo चा शानदार टॅबलेट भारतात लाँच, जाणून घ्या किंमत-फीचर्स | Sakal
sakal

बोलून बातमी शोधा

Lenovo Tab P11 5G

Lenovo Tab: 7700mAh बॅटरी, 8GB रॅमसह Lenovo चा शानदार टॅबलेट भारतात लाँच, जाणून घ्या किंमत-फीचर्स

Lenovo Tab P11 5G Launched: स्मार्टफोन ब्रँड लेनोवोने आपला पहिला प्रीमियम टॅबलेट Lenovo Tab P11 5G ला भारतात लाँच केले आहे. या प्रीमियम टॅबची सुरुवाती किंमत २९,९९९ रुपये आहे. टॅबमध्ये ८ जीबी रॅम आणि २५६ जीबीपर्यंत स्टोरेज मिळेल. यात Qualcomm Snapdragon ७५०G ५G प्रोसेसरचा सपोर्ट दिला आहे. Lenovo Tab P11 5G च्या किंमत आणि फीचर्सविषयी सविस्तर जाणून घेऊया.

हेही वाचा: Auto Expo 2023: जबरदस्त! 'या' कारच्या केवळ बुकिंगसाठी द्यावे लागतील १० लाख, किंमत तब्बल...

Lenovo Tab P11 5G ची किंमत

टॅबच्या ६ जीबी रॅम + १२८ जीबी स्टोरेजची किंमत २९,९९९ रुपये, ८ जीबी रॅम + २५६ जीबी स्टोरेज व्हेरिएंटची किंमत ३४,९९९ रुपये आहे. टॅबलेट ऑनलाइन स्टोर आणि अ‍ॅमेझॉन इंडियाच्या वेबसाइटवर स्टॉर्म ग्रे, मून व्हाइट, मॉडर्निस्ट टेल रंगात उपलब्ध आहे.

हेही वाचा: SBI: वारंवार बँकेत जाण्याची गरजच नाही, WhatsApp च्या एका क्लिकवर होतील तुमची सर्व कामं

Lenovo Tab P11 5G चे स्पेसिफिकेशन

Lenovo Tab P11 5G मध्ये ११ इंच २के रिझॉल्यूशनसह येणारा आयपीएस एलसीडी डिस्प्ले देण्यात आला असून, याची पीक ब्राइटनेस ४०० निट्स आहे. यात जेबीएलचे चार-स्पीकर दिले असून, जे डॉल्बी अ‍ॅटमॉस आणि डॉल्बी व्हिजन सपोर्टसह येतात.

लेनोवोचा हा टॅब क्वॉलकॉम स्नॅपड्रॅगन ७५०जी ५जी प्रोसेसरसह येतो. यात ८ जीबीपर्यंत रॅम आणि २५६ जीबीपर्यंत स्टोरेज मिळेल. स्टोरेजला मायक्रोएसडी कार्डच्या मदतीने ५१२ जीबीपर्यंत वाढवू शकता.

Lenovo Tab P11 5G च्या कॅमेरा सेटअपबद्दल सांगायचे तर यामध्ये १३ मेगापिक्सल रियर कॅमेरा देण्यात आला आहे. तर फ्रंटला ८ मेगापिक्सलचा सेल्फी कॅमेरा मिळेल. कॅमेरा २एक्स झूम सपोर्टसह येतो. यात १० वॉट चार्जिंग सपोर्टसह येणारी ७७०० एमएएचची दमदार बॅटरी देण्यात आली आहे.

हेही वाचा: गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून

टॅग्स :Technologytablet