Mobile SIM Card Rule : 7 जानेवारीआधी हे काम करा, अन्यथा सिम कार्ड होईल ब्लॉक | Sakal
sakal

बोलून बातमी शोधा

Sim card

7 जानेवारीआधी हे काम करा, अन्यथा सिम कार्ड होईल ब्लॉक

Mobile SIM Card Rule : आधुनिकतेच्या या युगात लोकांना अनेक प्रकारच्या सुविधा मिळत आहेत, ज्या पूर्वी उपलब्ध नव्हत्या. त्याचबरोबर अनेकजण या सुविधांचा गैरवापरही करतात. एवढेच नाही तर हे लोक आपल्या गुन्ह्याचा खापर दुसऱ्याच्या माथ्यावर टाकतात. अशा बाबी लक्षात घेऊन दूरसंचार विभागाने गेल्या वर्षी 7 डिसेंबर रोजी नवा आदेश जारी केला होता.

या आदेशानुसार, नऊपेक्षा जास्त सिमकार्ड असलेल्या वापरकर्त्यांना सिमकार्ड व्हेरिफिकेशन करणे अनिवार्य करण्यात आले आहे. तुमच्याकडेही नऊ पेक्षा जास्त सिमकार्ड असतील, तर तुम्ही 7 जानेवारीपूर्वी त्याची व्हेरिफिकेशन करून घ्यावी, असे न केल्यास तुमचे सिम कार्ड रद्द केले जाईल. हा नियम गेल्या वर्षी 7 डिसेंबर रोजी लागू करण्यात आला होता, ज्यामध्ये 30 दिवसांचा कालावधी देऊन 6 जानेवारी हा शेवटचा दिवस ठेवण्यात आला होता.

तुमच्या नावावर जर 9 पेक्षा जास्त सिम कार्ड रजिस्टर्ड असतील तर तुम्ही ताबडतोब तुमच्या सिमचे व्हेरिफिकेशन करून घ्या. तुम्ही 7 जानेवारीपूर्वी हे न केल्यास, तुमची आउटगोइंग सेवा बंद केली जाईल. त्याचबरोबर 45 दिवसांत इनकमिंग कॉल सेवा बंद करण्याच्या सूचना देण्यात आल्या आहेत. सिमचे व्हेरिफिकेशन न झाल्यास 60 दिवसांत सिमकार्ड सुविधा बंद करण्याचे आदेश देण्यात आले आहेत. तर आंतरराष्ट्रीय रोमिंग, आजारी आणि अपंग व्यक्तींनाही या कामासाठी अतिरिक्त 30 दिवसांची मुदत देण्यात आली आहे.जर तुम्ही सिम कार्डचा वापर करीत नसाल तर सिम सरेंडरचा ऑप्शन सुद्धा उपलब्ध आहे.

हेही वाचा: Jio चा सगळ्यात स्वस्त प्लॅन, 400 पेक्षा कमीत 84 दिवस व्हॅलिडिटी

याशिवाय, तुम्ही हे लक्षात घेतले पाहिजे की जर मोबाइल नंबरवर कोणत्याही बँक, लॉ इंफोर्समेंट किंवा कोणत्याही वित्तीय संस्थेने तक्रार दिली तर वापरकर्त्याच्या सिमकार्डवर 5 दिवसांच्या आत आउटगोइंग कॉल बंद केला जाईल. याशिवाय 10 दिवसांत इनकमिंग कॉल सेवाही बंद होणार आहे. म्हणजे 15 दिवसात सिम कार्ड पूर्णपणे बंद होईल.

हेही वाचा: रेडमीचा 8GB रॅम असलेला 5G स्मार्टफोन मिळतोय स्वस्तात; पाहा डिटेल्स

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Technology
loading image
go to top