Nobel Prize 2024 : संशोधनातून प्रोटीनच्या रचनेचे गूढ उलगडले! यंदाच्या रसायनशास्त्रातील नोबेलचे मानकरी ठरले हे 3 संशोधक

Nobel Prize in Chemistry : यंदाच्या वर्षीचे रसायनशास्त्रातील नोबेल पारितोषिकाचे मानकरी हे ठरले डेव्हिड बेकर, डेमिस हासाबिस, आणि जॉन जंपर. यांनी प्रोटीनच्या रचनेचे गूढ जगासमोर आणण्याचे महत्त्वपूर्ण कार्य केले आहे. त्यांनी संगणकीय विज्ञान आणि कृत्रिम बुद्धिमत्तेचा वापर करून प्रोटीनच्या रचनेवर नवी दृष्टी दिली.

डेव्हिड बेकर यांना "संगणकीय प्रोटीन डिझाइन" या त्यांच्या योगदानासाठी सन्मानित करण्यात आले आहे, तर डेमिस हासाबिस आणि जॉन एम. जंपर यांना "प्रोटीन रचना अंदाज" यासाठी संयुक्तरित्या नोबेल पारितोषिक देण्यात आले आहे. त्यांच्या या शोधामुळे जैव तंत्रज्ञान आणि औषध संशोधनात मोठी क्रांती होणार आहे.