OnePlus 10 Pro 5G स्मार्टफोन अखेर भारतात लॉंच; वाचा किंमत-फीचर्स

अखेर OnePlus ने गुरुवारी भारतात आपला लेटेस्ट स्मार्टफोन OnePlus 10 Pro लॉन्च केला. फोनमध्ये तुम्हाला शक्तिशाली स्नॅपड्रॅगन 8 Gen 1 चिपसेट सपोर्ट देण्यात आला आहे, ज्याला मागील पिढीच्या स्नॅपड्रॅगन चिपपेक्षा चारपट फास्ट AI प्रोसेसिमग आणि 25 टक्के अधिक कार्यक्षम ग्राफिक्स परफॉर्मेंस देण्यासाठी रेट केले गेले आहे. नवीन स्नॅपड्रॅगन चिपसेट व्यतिरिक्त, OnePlus 10 Pro हा OnePlus 9 Pro पेक्षा चांगल्या AMOLED डिस्प्लेसह येतो. स्मार्टफोन फास्ट चार्जिंग देखील मिळते. चला जाणून घेऊया या फोनची किंमत आणि फीचर्स...

किंमत किती आहे?

भारतातील OnePlus 10 Pro ची किंमतीबद्दल बोलायचे झाले तर, भारतात OnePlus 10 Pro च्या बेस 8GB + 128GB स्टोरेज व्हेरिएंटची किंमत 66,999 रुपये आहे आणि 12GB + 256GB व्हेरिएंटची किंमत 71,999 रुपये आहे. यात एमराल्ड फॉरेस्ट आणि व्होल्कॅनिक ब्लॅक असे दोन भिन्न कलर ऑप्शन्स आहेत.

जागतिक स्तरावर, OnePlus 10 Pro ची किंमत 8GB+128GB व्हेरिएंटसाठी EUR 899 (अंदाजे रु 75,500) पासून सुरू होते. उपलब्धतेच्या बाबतीत, OnePlus 10 Pro हा 5 एप्रिलपासून भारतात खुल्या विक्रीसाठी उपलब्ध होईल

Dual-SIM (Nano) OnePlus 10 Pro टॉप वर OxygenOS 12.1 सोबत Android 12 वर चालतो. यात 6.7-इंचाचा QHD+ (1,440x3,216 पिक्सेल) फ्लुइड AMOLED डिस्प्ले दिला आहे जो दुसऱ्या पिढीच्या लो-टेम्परेचर पॉलीक्रिस्टलाइन ऑक्साइड (LTPO) तंत्रज्ञानावर आधारित आहे. हे 1Hz आणि 120Hz दरम्यान डायनॅमिक रिफ्रेश रेट देतो. डिस्प्ले sRGB कलर गॅमटला देखील सपोर्ट करतो आणि यात 10-बिट कलर डेप्थ आहे. याशिवाय, कॉर्निंग गोरिल्ला ग्लास व्हिक्टस प्रोटेक्शनसह येतो. OnePlus 10 Pro 12GB पर्यंत LPDDR5 रॅमसह ऑक्टा-कोर स्नॅपड्रॅगन 8 Gen 1 चिपसेटने सुसज्ज आहे.

कॅमेरा

फोटोग्राफीसाठी, OnePlus 10 Pro मध्ये f/1.8 लेन्स आणि ऑप्टिकल इमेज स्टॅबिलायझेशन (OIS) सह 48-मेगापिक्सेल Sony IMX789 प्रायमरी सेन्सर असलेला ट्रिपल रिअर कॅमेरा सेटअप दिला आहे. कॅमेरा सेटअपमध्ये 150-डिग्री फील्ड-ऑफ-व्ह्यूसह 50-मेगापिक्सेल Samsung ISOCELL JN1 अल्ट्रा-वाइड शूटर देखील आहे. याशिवाय, कॅमेरा सेटअप OIS सपोर्टसह 8-मेगापिक्सेल टेलीफोटो शूटरने सुसज्ज आहे. सेल्फी आणि व्हिडिओ चॅटसाठी, OnePlus 10 Pro समोर 32-मेगापिक्सेलचा Sony IMX615 कॅमेरा सेन्सर मिळतो.

इतर फीचर्स

OnePlus 10 Pro 256GB पर्यंत UFS 3.1 स्टोरेजसह येतो. कनेक्टिव्हिटी पर्यायांमध्ये 5G, 4G LTE, Wi-Fi 6, Bluetooth v5.2, GPS/ A-GPS, NFC आणि USB Type-C पोर्ट दिले आहेत. ऑन बोर्ड सेन्सर्समध्ये एक्सीलरोमीटर, एंबियंट लाईट, जायरोस्कोप, मॅग्नेटोमीटर आणि प्रॉक्सिमिटी सेन्सर यांचा समावेश होतो. फोनमध्ये इन-डिस्प्ले फिंगरप्रिंट सेन्सर मिळतो.

OnePlus ने नवीन फ्लॅगशिप ड्युअल स्टीरिओ स्पीकर दिले आहेत जे डॉल्बी अॅटमॉस सपोर्टसह दिले आहेत. फोनमध्ये नॉइज कॅन्सलेशन सपोर्ट देखील आहे. फोनमध्ये 5000mAh ड्युअल-सेल बॅटरी आहे जी 80W SuperVOOC वायर्ड चार्जिंग आणि 50W AirVOOC वायरलेस चार्जिंगला सपोर्ट करते. नवीन वायर्ड चार्जिंग तंत्रज्ञान 32 मिनिटांत 0 ते 100 टक्के चार्ज होण्याचा दावा करत आहे, तर वायरलेस चार्जिंग तंत्रज्ञान 47 मिनिटांत 0 ते 100 टक्के चार्जिंग करण्यास सक्षम आहे.