Redmi Note 14 : ‘रेडमी नोट 14, 5G सिरीज’ने केली 1 हजार कोटींची कमाई, iPhone सारख्या दिसणाऱ्या मोबाईलमध्ये नेमकं काय खास? पाहा

Redmi Note 14 Mobile Price Features : ‘शाओमी इंडिया’च्या ‘रेडमी नोट 14, 5G सिरीज’ या मोबाईल फोन श्रेणीने बाजारात आणल्यापासून दोनच आठवड्यांत कंपनीला एक हजार कोटींचा महसूल प्राप्त करून दिला आहे. या कामगिरीसह कंपनीने स्मार्टफोन बाजारात पाय रोवले असून, ‘रेडमी नोट १४’ ही श्रेणी या प्रकारच्या मोबाईल फोन्समध्ये आघाडीवर असल्याचे कंपनीतर्फे सांगण्यात आले.

‘कंटेंट क्रिएटर्स’मध्ये या फोनचा विशेष प्रचार केला जात आहे. राजकुमार हे कंटेंट क्रिएटर म्हणाले, ‘‘मला या कामासाठी सतत फिरावे लागते आणि अनेक तास मोबाईल फोनवर काम चालते. मी ‘रेडमी नोट १४ प्रो प्लस ५-जी’ हा फोन वापरून पाहिला. ६२०० मिली ॲम्पिअर प्रति तास बॅटरी आणि ९० वॉट हायपरचार्ज यांच्या साह्याने अनेक तास चित्रीकरण करता येते.

५० मेगापिक्सेलच्या नाइट मोड कॅमेऱ्यामुळे कमी प्रकाशातही उत्तम चित्रीकरण करता येते. ’’ या वेळी ‘शाओमी’ने ‘रेडमी १४ सी ५-जी’ हा स्मार्टफोन बाजारात आणला असून, ६.८८ इंच लांबीचा डिस्प्ले, ५० मेगापिक्सेलचा ड्युएल कॅमेरा यात आहे.