Disney+Hotstar Free : तीन महिने मोफत पाहता येणार डिज्नी+हॉटस्टार.. कशी मिळवाल ही ऑफर?

Jio Plans with Free Disney+Hotstar : डिज्नी+हॉटस्टार या ओटीटी प्लॅटफॉर्मवर बॉलिवूड आणि हॉलिवूडचे कित्येक सिनेमे आणि वेब सीरीज उपलब्ध आहेत. मार्व्हलच्या नवीन सीरीज देखील केवळ याच ओटीटीवर एक्सक्लुझिव उपलब्ध आहेत. तुम्ही जर रिलायन्स जिओ यूजर असाल, तर या सर्व कंटेंटचा आनंद तुम्ही अगदी मोफत मिळवू शकता.

रिलायन्स जिओने आपल्या 388 रुपयांच्या प्रीपेड प्लॅनमध्ये ही ऑफर दिली आहे. या रिचार्जवर तुम्हाला 3 महिन्यांपर्यंत डिज्नी+हॉटस्टार सबस्क्रिप्शन मोफत मिळणार आहे. सोबतच यामध्ये 28 दिवसांपर्यंत 2GB डेटा, जिओ टीव्ही, जिओ सिनेमा आणि जिओ क्लाऊडचं सबस्क्रिप्शन देखील मिळणार आहे. (Jio Plans with OTT)

जिओच्या इतर प्लॅन्समध्ये देखील अशाच प्रकारच्या ऑफर्स आहेत. 598 रुपयांच्या प्लॅनवर तब्बल एक वर्षासाठी डिज्नी+हॉटस्टार सबस्क्रिप्शन मोफत मिळत आहे. यासोबतच जिओ टीव्ही, जिओ सिनेमा आणि जिओ क्लाऊडचं सबस्क्रिप्शन देखील या प्लॅनमध्ये मिळत आहे. 28 दिवस व्हॅलिडिटी असणाऱ्या या प्लॅनमध्ये अनलिमिटेड कॉलिंग, रोजचे 100 मेसेज आणि दिवसाला 2GB डेटा मिळत आहे.

डिज्नीच्या 808 रुपयांच्या प्लॅनमध्येही 3 महिने डिज्नी+हॉटस्टार सबस्क्रिप्शन आणि वरील सर्व बेनिफिट्स मिळत आहेत. या प्लॅनची वैधता 84 दिवस आहे. तसंच, 1,198 रुपयांच्या प्लॅनमध्ये डिज्नी+हॉटस्टार, अमेझॉन प्राईम व्हिडिओ, सोनी लिव्ह, झी 5, प्लॅनेट मराठी यांसह तब्बल 14 ओटीटी प्लॅटफॉर्मचं सबस्क्रिप्शन मिळतं. या प्लॅनची वैधता 84 दिवस आहे.

अनलिमिटेड डेटा

दरम्यान, जिओ सध्या आपल्या ग्राहकांना अनलिमिटेड 5G डेटा अगदी मोफत देत आहे. यासाठी तुमच्या शहरामध्ये 5G जिओ नेटवर्क उपलब्ध असणं गरजेचं आहे. तसंच, तुमचा स्मार्टफोन देखील 5G असणं गरजेचं आहे.