Samsung Galaxy Z Fold 4 : भारतात 16 तारखेपासून प्री-बुकिंग, पाहा ऑफर

सॅमसंगने भारतात नुकतेच दोन फोल्डेबल फोन लॉंच केले आहेत. हे स्मार्टफोन Samsung Galaxy Z Flip 4 आणि Galaxy Z Fold 4 चे प्री-बुकिंग जाहीर केले आहे. या दोन्ही फोन प्री-बुकिंग 16 ऑगस्ट रोजी दुपारी 12 वाजल्यापासून सुरू होईल. दोन्ही फोन सॅमसंगच्या अधिकृत वेबसाइटवर प्री-बुकिंगसाठी उपलब्ध करून दिले जातील. हे दोन्ही फोन सॅमसंगने 10 ऑगस्ट रोजी गॅलेक्सी अनपॅक्ड इव्हेंटमध्ये जागतिक स्तरावर लॉन्च केले आहेत.

प्री-बुकिंगवर उपलब्ध ऑफर

सॅमसंगच्या या दोन फ्लॅगशिप्स फोन बुकिंगवर ग्राहकांना ऑफर दिल्या जात आहे. प्री बुकिंग करणाऱ्या ग्राहकांना 40,000 रुपयांपर्यंतचे बेनिफिट्स मिळतील. याशिवाय प्री-बुकिंग करणाऱ्या ग्राहकांना 5,199 रुपयांची विशेष भेट मिळेल असे कंपनीने म्हटले आहे. Galaxy Z Flip 4 Bespoke Edition वर ग्राहकांना 2,000 रुपयांचे स्लिम कव्हर मोफत मिळेल. प्री-बुकिंग 17 ऑगस्टच्या मध्यरात्रीपर्यंत चालेल.

तुम्हाला Snapdragon 8+ Gen 1 प्रोसेसर Samsung Galaxy Z Flip 4 आणि Samsung Galaxy Z Fold 4 या दोन्ही फोनमध्ये देण्यात आला आहे. तसेच Samsung Galaxy Z Flip 4 ची किंमत $999 म्हणजेच सुमारे 79,000 रुपयांपासून सुरु होत आहे. हा फोन ब्लू, बोरा पर्पल, ग्रेफाइट आणि पिंक गोल्ड कलरमध्ये उपलब्ध असेल. त्याच वेळी, Samsung Galaxy Z Fold 4 ची किंमत $1,799.99 म्हणजेच सुमारे 1,42,700 रुपयांपासून सुरू होते. हा फोन बेज, ग्रे-ग्रीन आणि फँटम ब्लॅक रंगात उपलब्ध असेल. सॅमसंगने अद्याप दोन्ही फोनच्या भारतात किंमती किती असतील ते अद्याप जाहीर केलेले नाही.