Share Market Updates: सकारात्मक सुरुवातीनंतरही शेअर बाजारात घसरण

रशिया युक्रेन युद्धाच्या पार्श्वभूमीवर शेअर बाजारातील घसरण सुरुच आहे. आज साप्ताहिक एक्स्पायरी दिवशी म्हणजेच गुरुवारी शेअर बाजार लाल चिन्हासह बंद झाला. आजच्या व्यवहाराच्या सत्रात शेअर बाजाराची सुरुवात दमदार झाली, पण बंद होण्याच्या वेळी बाजारातील घसरण झाली आणि शेअर बाजार लाल चिन्हाने बंद झाला. आज दिवसभरात सेन्सेक्स (Sensex) 366.22 अंकांनी म्हणजेच 0.66 टक्क्यांनी घसरला आणि निर्देशांक 55,102.68 च्या पातळीवर बंद झाला. याशिवाय निफ्टी 50 (Nifty 50) निर्देशांक 108 अंकांच्या म्हणजेच 0.64 टक्क्यांच्या घसरणीसह 16,498 च्या पातळीवर बंद झाला.

आज 1963 शेअर्समध्ये खरेदी झाली आणि 1279 शेअर्समध्ये विक्री झाली. 116 शेअर्समध्ये कोणताही बदल झाला नाही.निफ्टीमध्ये टॉप लूजर्स आणि चॉप गेनर्स

ओएनजीसी, यूपीएल, पॉवर ग्रिड कॉर्प, विप्रो आणि टेक महिंद्रा निफ्टी 50 च्या टॉप गेनर्सच्या यादीत होते आणि अल्ट्राटेक सिमेंट, एशियन पेंट्स, एचडीएफसी लाईफ, श्री सिमेंट्स आणि आयशर मोटर्स निफ्टीच्या टॉप लूजर्सच्या यादीत होते.