ऑनलाइन खरेदी करताय? फसवणूक टाळायची असेल तर बातमी नक्की वाचा

औरंगाबाद: मागील काही दिवसांपासून ऑनलाईन खरेदीचे प्रमाण वाढताना दिसत आहे. विषेशतः कोरोनाकाळात लोकांनी मोठ्या प्रमाणात वस्तू ऑनलाईन खरेदी केल्याच्या दिसत आहेत. ऑनलाईन खरेदी करताना ग्राहकांना मोठ्या प्रमाणात पर्याय भेटत असतात. तसेच योग्य किंमतीतही त्या वस्तू भेटत असतात. परंतु ऑनलाइन खरेदी करणे जितके सोपे आहे तितकेच ते धोकादायकही आहे.  बर्‍याच वेळा ऑनलाइन शॉपिंग दरम्यान लोकांना फसवणूकीचा सामना करावा लागतो. यामुळे ऑनलाईन खरेदी करताना कोणती काळजी घेतली पाहिजे याबद्दल या लेखात जाणून घेणार आहोत.

खरेदीसाठी अधिकृत वेबसाइट वापरा-
ऑनलाईन खरेदी करताना सर्वात महत्वाची बाब म्हणजे नेहमीच अधिकृत वेबसाइट किंवा अ‍ॅप वापरावं. मूळ वेबसाइटवर आपल्याला सुरक्षेसह उत्कृष्ट उत्पादनांचे पर्याय भेटत असतात. तसेच तिथं तुम्हाला कोणती वस्तू आवडली नसेल तर ती माघारी करण्यास सोपं जातं.

नोकियातील अखेरच्या दीड हजार कर्मचाऱ्यांनी काय केलं? 

डेबिट कार्ड तपशील सेव्ह करु नये-
ऑनलाइन पैसे देताना वापरलेल्या डेबीट किंवा क्रेडिट कार्डाचे तपशील द्यावे लागतात. परंतु एक बाब लक्षात घेण्यासारखी म्हणजे ऑनलाईन पेमेंट करताना तपशीलाबद्दल सेव क्लिक करू नका. म्हणजेच आपले कार्ड सेव्ह करू नका.

कोरोनाकाळातही तब्बल इतक्या स्मार्टफोन्सची झाली भारतात शिपमेंट; पण कुठली कंपनी...

वेबसाइटची URL चेक करा-
हॅकर्स बनावट वेबसाइट्स आणि मोबाइल अ‍ॅप्सद्वारे आपला डेटा हॅक करू शकतात. या प्रकरणात, ऑनलाइन खरेदी करताना वेबसाइटवरील लिंक तपासली पाहिजे. कारण बनावट वेबसाइटवर बर्‍याचदा एकच अक्षर बदलले असते.

(edited by- pramod sarawale)