सबस्क्राईब करा
Online Fraud:
एका वृद्ध व्यक्तीने स्विगीच्या कस्टमर केअर नंबरवर कॉल केल्यावर फसवणूक झाली आहे. एका व्यक्तीने आपली ऑर्डर न आल्याने मदतीसाठी स्विगीच्या कस्टमर केअर नंबरवर कॉल करण्याचा प्रयत्न केला तेव्हा फसवणूक होऊन 3 लाखांहून अधिक रुपयांचे नुकसान झाले. या घोटाळ्याची माहिती त्यांच्या मुलाने एक्स आणि इंस्टाग्रामवर शेअर केली आहे.
निखिल चावला यांनी एका पोस्टमध्ये म्हटले की त्यांच्या वडिलांनी स्विगीवरुन जेवन ऑर्डर केले होते. मात्र वेळेवर ऑर्डर न आल्याने ते नाराज झाले. त्यांनी स्विगीच्या कस्टमर केअर नंबरवर कॉल केला. त्यांनी स्विगीच्या कस्टमर केअर नंबर गुगलवर सर्च केला होता.
नेमकं काय घडलं? -
निखिल चावला यांनी सांगितले की, त्यांच्या 65 वर्षीय वडिलांनी नंबरवर कॉल केला परंतु पहिल्या व्यवहारात 35,000 रुपयांची फसवणूक झाली. आपले 35,000 रुपये गमावल्याचे लक्षात येताच, वृद्ध व्यक्तीने पैसे परत मिळविण्यासाठी पुन्हा नंबरवर कॉल केला, परंतु पुन्हा एकदा क्रेडिट कार्ड तपशील देण्यास फसवले गेले. चावलाने दावा केला की घोटाळेबाजांनी त्याच्या वडिलांचे सिम कॉपी केले आणि वडिलांकडून तपशील गोळा करण्यासाठी फोन क्लोन केला आणि 3 लाख रुपयांपेक्षा जास्त किमतीचे व्यवहार केले.
निखिल चावला यांनी दिल्ली पोलिसांना त्याच्या वडिलांना मदत करण्याची विनंती केली. कारण निखिल सध्या मलेशियामध्ये आहेत. दिल्ली पोलिसांनी त्यांना सायबर क्राईम विभागात तक्रार करण्यास सांगितले आहे.
स्विगीने काय म्हटलं?
स्विगीकडे अधिकृत ग्राहक सेवा क्रमांक नाही. कोणत्याही समस्यांसाठी आमचा ॲप-मधील चॅट बॉक्स वापरा. या प्रकरणाची सायबर क्राइम विभागात तक्रार करावी. तसेच आवश्यक असलेल्या कोणत्याही माहितीसाठी आम्ही तुम्हाला समर्थन देऊ शकतो, असे स्विगीने म्हटले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.