- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
प्रसिद्ध कार निर्माता कंपनी टाटा मोटर्स (Tata Motors) यावर्षी 2 नवीन CNG कार आणण्यासाठी सज्ज आहे, ज्यांची ग्राहक खूप दिवसांपासून वाट पाहत आहेत. Tata Motors जानेवारी 2022 मध्ये आपल्या आगामी CNG कार Tata Tiago आणि Tigor लाँच करू शकते. कंपनीने टाटा मोटर्सच्या निवडक डीलरशिपमध्ये बुकिंगसुद्धा सुरु केल्याचं कळतंय. जाणून घेऊया या कारची वैशिष्ट्ये...
Tata Motors ची CNG चलित Tiago आणि Tigor मॉडेल्स चाचणी दरम्यान अनेक वेळा स्पॉट झाल्या आहेत. त्यांचे फोटो सोशल मीडियावर खूप व्हायरल होत आहे. शेअर केलेल्या फोटोनुसार, चाचणी मॉडेल पूर्णपणे कव्हर केलेले नव्हते आणि त्यावर 'ऑन टेस्ट बाय ARAI' चे स्टिकरही होते. मात्र, या कारबाबत अधिक माहिती लॉन्च झाल्यानंतरच समोर येईल.
Tata Tiago CNG मॉडेलची भारतीय बाजारपेठेतील मारुती सुझुकी वॅगनआर WagonR CNG, ह्युंडाई सॅन्ट्रो (Hyundai Santro CNG) सारख्या कारशी थेट स्पर्धा होईल. तर, टाटा टिगोर (Tata Tigor CNG) सीएनजी कार मारुती सुझुकीच्या आगामी सेडान डिझायर (Dzire) सीएनजी आणि ह्युंदाई ऑरा (Hyundai Aura) सीएनजी कारशी स्पर्धा करेल.
स्टॉक इमेज नुसार, या CNG प्रकाराची रचना त्यांच्या स्टँडर्ड ICE (इंटर्नल कम्बशन इंजिन) मॉडेल्सच्या फेसलिफ्टेड आवृत्तीसारखी असेल. म्हणजेच, डिझाइन किंवा आकाराच्या बाबतीत, सीएनजी मॉडेलमध्ये कोणताही मोठा बदल दिसण्याची शक्यता कमी आहे. बाह्य स्वरूप आणि डिझाइनबद्दल बोलायचं झाल्यास, प्रोजेक्टर हेडलॅम्प, एलईडी डीआरएल, फॉग लॅम्प, शार्क फिन अँटेना, एलईडी स्टॉप लॅम्प, एलईडी टेललाइट्स यांसारख्या अनेक वैशिष्ट्यांचा समावेश असल्याचं बोललं जात आहे.
वैशिष्ट्यांच्या बाबतीत, Tiago CNG XZ ला अँड्रॉइड ऑटो आणि ऍपल कारप्ले कनेक्टिव्हिटी, व्हॉइस कमांड, स्टीयरिंग माउंट केलेले ऑडिओ आणि फोन कंट्रोल्स, हाईट-अ‍ॅडजस्टेबल ड्रायव्हर सीट, वन-टच ड्रॉ ड्रायव्हर विंडो, 7-इंचाची टचस्क्रीन इन्फोटेनमेंट सिस्टम इत्यादींचा समावेश केला जाऊ शकतो.
या नवीन कारमध्ये 1.2-लिटर रेव्होट्रॉन पेट्रोल इंजिन वापरण्यात येईल. या इंजिनसोबत 5-स्पीड मॅन्युअल ट्रान्समिशन उपलब्ध आहे. हे इंजिन सध्या 85 bhp ची कमाल पॉवर आणि 113 Nm चा पीक टॉर्क जनरेट करते. सीएनजी मॉडेलमध्ये हे इंजिन कमी उर्जा निर्माण करू शकते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
