नेटकरी या साईटवर घालवतात अधिक वेळ; पॉर्नसाईट्सचा बोलबाला

जगात सर्वाधिक शोधलेल्या वेबसाईट्स (The World’s Most Visited Websites):

सध्याचं युग हे इंटरनेटचं युग आहे. इंटरनेट (Internet) ही आजकाल मुलभूत गरज (basic need) बनली आहे, असं म्हटलं तर अतिशयोक्ती ठरू नये. सध्या लहान मुलापासून ते अगदी मोठ्या माणसांपर्यंत सर्वच जण इंटरनेट वापरतात. कोरोना काळात तर इंटरनेटवरील लोकांचं अवलंबित्व आणखीच वाढले.

सिमिलर वेब (Similar Web) या संस्थेने जगभरातील इंटरनेट वापराबद्दलचा एक रिपोर्ट प्रसिद्ध केला आहे. यामध्ये नोव्हेंबर महिन्यात जगभरातील लोकांनी इंटरनेटवर भेट दिलेल्या (The World’s Most Visited Websites) टॉप 10 साईट्सची (Top 10) माहिती दिली आहे. जगभरातील एखाद्या साईटला लोकांनी कितीवेळा भेट दिली यावरून ही आकडेवारी बनवली आहे.

गुगल शीर्षस्थानी (Google at Top)-

आपण कुठलीही गोष्ट शोधण्यासाठी गुगल करतो. आणि या आकडेवरीही Google सर्च इंजिन जगभरातील टॉप टेन सर्वाधिक भेट दिलेल्या वेबपेजेसच्या सूचीत शीर्षस्थानी आहे. तब्बल 89.08 अब्जवेळा लोकांनी गुगलला भेट दिली. त्याखालोखाल लोकांनी YouTube आणि Facebook ला भेट दिली. युट्युबला 34 लाख वेळा लोकांनी भेट दिली तर फेसबुकला 20.61 अब्जवेळा लोकांनी भेट दिली. थोडक्यात गुगलवर येणाऱ्या लोकांची संख्या फेसबुकपेक्षा साधारणपणे 4.5 पट अधिक आहे. यावरूनच गुगलचं इंटरनेट विश्वातील निर्विदात वर्चस्व लक्षात येतं. त्यानंतर ट्विटरला (Twitter) 6.55 अब्जवेळा तर इंस्टाग्रामला (Instagram) 6.22 अब्जवेळा लोकांनी भेट दिली आहे.

चीनी आणि रशियन सर्च इंजिनचाही समावेश( Includes Chinese and Russian Search Engine)-

SimilarWeb च्या डिजिटल मापनानुसार, सर्वाधिक सर्च केल्या गेलेल्या वेबसाईट्समध्य चीनी शोध इंजिन baidu.com सहाव्या स्थानावर आहे. या साईटला नोव्हेंबरमध्ये 5.49 अब्ज लोकांनी भेट दिली होती. आठव्या स्थानावर yandex.ru या रशियन शोध इंजिनला (Russian Search Engine) 3.86 अब्ज लोकांनी भेट दिली. आणइ सगळ्यात महत्त्वाचे म्हणजे आर-रेट (R-rated site) केलेल्या साईटला, xvideos महिन्यासाठी 3.22 अब्ज दृश्यांसह 10 व्या क्रमांकावर राहिली.