Triwizard Chess : एकाच वेळी तिघांना खेळता येणार बुद्धिबळ; तिसऱ्या सोंगटीचा रंग कोणता ?

मुंबई : तुम्ही बुद्धिबळ कधीतरी खेळला असालच. या खेळात काळानुसार काही बदल होत आले आहेत. आतापर्यंत बुद्धिबळात एका वेळी फक्त २ जण खेळू शकत होतो. पण यात बदल होऊन आणखी एका स्पर्धकाला त्यात जागा मिळाली आहे. (Triwizard Chess Board)  हेही वाचा - परदेशातही वापरता येणार युपीआय सुविधा...वाचा सविस्तर

भारतात झाले आहे संशोधन

IIT रुरकीच्या एका विद्यार्थ्याने एक नवीन बुद्धिबळ तयार केला आहे, ज्यावर तीन लोक एकत्र हा खेळ खेळू शकतात. B.Tech 2014 बॅचचा विद्यार्थी आदित्य निगमने त्याच्या गेमिंग स्टार्टअपद्वारे हे नवीन बुद्धिबळ बोर्ड विकसित केले आहे.

याशिवाय त्याने या बुद्धिबळाला ट्रायविझार्ड चेस असे नाव दिले आहे. हा भारतातील पहिला आणि एकमेव असा बुद्धिबळ आहे, ज्यामध्ये तीन खेळाडू एकाच वेळी खेळू शकतात.

नियमात बदल नाही

ट्रायविझार्ड बुद्धिबळाचे सर्वात मोठे वैशिष्ट्य म्हणजे त्याच्या नियमांमध्ये कोणताही बदल करण्यात आलेला नाही. हा खेळ पूर्वीप्रमाणे खेळता येतो, पण आता दोनऐवजी तीन खेळाडू एकाच वेळी खेळ खेळू शकतात.

तिसऱ्या सोंगटीला कोणता रंग ?

युवा पिढीचा बुद्धिबळाकडे कल वाढावा हा या खेळामागचा उद्देश असल्याचे आदित्य निगम सांगतात. या नव्या फॉरमॅटमुळे खेळाडूंची संख्या वाढणार आहे.

नवीन गेममध्ये, प्रेक्षक स्वतः एक खेळाडू बनेल, ज्यामुळे गेमची संपूर्ण परिस्थिती बदलेल. या नवीन गेममध्ये तीन खेळाडूंसह, प्रत्येक खेळाडूला इतर दोन खेळाडूंच्या चाली एकाच वेळी समजून घ्याव्या लागतील.

या नवीन गेममध्ये, खेळाडू घड्याळाच्या दिशेने खेळतील, ज्यामध्ये प्रथम पांढरा, त्यानंतर राखाडी आणि नंतर काळा रंग येईल.